Header Ads

  • Baru Nyadi

    Pemerindang ari menua tasik merindang ngintu Hari M’sia, 16 Sept


    KUCHING: Nyerumba ngerami Hari Malaysia kena 16 September, mensia mayuh ke datai enggau nyambut pengerami nya deka diperindang enggau seraban pemerindang ari menua tasik ti bedau kala merindang ba menua Malaysia ke nyengkaum Sarawak.

    Menteri Dagang Temuai enggau Pesaka Tuai Datuk Amar Abang Johari Tun Openg madahka pemerindang nya deka dipandangka ba Tebing Ai Kuching sereta ngena mayuh chaya lampu.

    Nitihka penerang ari Abang Johari, maya tu ila pemerindang ari menua tasik deka diambi merindang mensia mayuh.

    Iya madahka ngena chara tu nya ulih narit mayuh agi temuai menua luar datai ngemataka pengerami ke diatur ba Sarawak.

    “Baka ke disemaya aku sebedau tu, kitai mandangka pemerindang ti enda kala dipandang sereta manah agi ari ke ngelama tu.

    “Taun tu seraban ari menua Florida, US dipinta datai mantaika pemerindang ba Tebing Ai Kuching, ti ngena mayuh cahaya enggau landskap sungai.

    “Sebengkah seni ‘formation design’ ba atas ai ke ti bererenggat,” ku Abang Johari ti enggai nyerita enggau silik tang minta mensia mayuh sama datai sampal malam 16 September ba Tebing Ai Kuching enggau Kunsil Nengeri (DUN) baru deka sama ngemata sereta ngerami Hari Malaysia nya ila.


    Abang Johari bejaku lebuh dikerandau pengarang berita ba Rumah Tebuka Hari Raya iya ke diatur ba Sri Minangkabau II ditu, kemari.

    Iya madahka pemerindang ke deka diayan tu ila, kala dipandangka ba Dubai tang bedau kala ba menua Malaysia.

    Abang Johari madahka pengerami 16 September ulih nyadi sebengkah pengerami ke diatur ninting taun enti nyema diberikelala enggau chakah agi.

    Iya madahka nengah pemerindang nya dibantaika nengah pengerami Hari Malaysia ke diintu 16 September ulih ngelakuka pemanah rampa menua enggau sungai ke bisi ba Sarawak ke ulih nyadi palan dagang temuai.

    “Nya alai aku minta rayat sarawak kelebih agi ti diau ba kandang mengeri Kuching bela sampal datai ngagai pengerami Hari Malaysia ke diintu kena 16 September tu,” ku Abang Johari ke mega nyadi Menteri Pengawa Berumah enggau Pemansang Dalam Nengeri. -BorneoPost


    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads