Semua perengka pengangkut ke dikena ngundan orang tambang patut beresi. - Berita Iban Online | Laman Web Berita Kitai

Header Ads

  • Baru Nyadi

    Semua perengka pengangkut ke dikena ngundan orang tambang patut beresi.

    KUCHING: Opis Pengerai Nengeri Sarawak (JKNS) minta kerejasama pengemeran tauka pengempu perengka pengangkut mensia mayuh sama besaup nyaga pengerai orang tambang.

    Direktor opis nya, Dr. Jamilah Hashim madahka, lebih agi bekaul enggau nyaga pengerai ari kena penyakit nyamuk Aedes.

    “JKNS minta kerejasama semua pengemeran tauka pengempu perengka pengangkut mensia mayuh baka bas enggau bot ekspres, patut nyembur spray nyamuk tauka aerosal setengah jam sebedau orang tambang tama ngagai perengka pengangkut nya.

    “Tuju iya, awakka ulih munuh nyamuk Aedes besai ti dipelabaka engka bisi dalam perengka penangkut nya. Ari tu kitai ulih nyeliahka ari penyakit tauka pengerembai virus denggi ngagai orang tambang sepemanjai pejalai nepan perengka pengangkut nya.

    “Laban maya timpuh kemisi, pemindah mensia mayuh amat suah sereta mayuh alai dituju, lalu tu mega ulih nyadika penyakit nyamuk jampat amat ngerembai lebih agi enti ba kandang endur nya bisi nyamuk Aedes,” ku iya madah ngagai Utusan Borneo.

    Iya ti ngenang pekara nya lebuh ditanya lalau iya bekaul enggau kes denggi ke nyadi di nengeri tu.

    Berebak enggau tu iya ngingat sereta ngelalau nyema bisi simptom rengga, pedis isi, pedis tulang, mutah tauka pedis pala, patut jampat nganjung diri berubat ngagai klinik tauka sepital ke semak.

    “Enti penyakit nya ditemu tumu tauka jampat dia penyakit nya ulih ditagang tauka diubat ke lalu ulih nyelamatka nyawa orang nya,” ku iya.

    Dr. Jamilah madahka dikena nyeliahka ari penyakit nyamuk Aedes nyadi, semua sarang tauka kandang endur  ke ditemu ulih endur nyamuk aedes betelu patut diberesi enggau manah.

    Kelimpah ari ngena spray aerosal, ulih mega ngena barang ke ulih muru nyamuk ke dikumbai (repelen) ke diunsut ba tubuh ke ulih digigit nyamuk, lebih agi maya nyamuk pansut sereta ngigit pukul 5 pagi ngagai 7 pagi sereta pukul 5 lemai ngagai 7 malam.

    “Dikena nyaga diri ari penyakit tu, anang ngelawa kandang menua ke ditemu bisi igi tauka ‘hotspot’ denggi. Penerang tu ulih dipeda ari aplikasi ‘mobile’ iDengue,” ku iya.

    Kelimpah ari nya, berindik ari nengeri tu agi betapi enggau penyakit rabies tauka penyakit ukui gila agi ulih dijaga, Dr. Jamilah tetap ngelalau orang mayuh ngambika nyaga pengelikun diri.

    “Tiap iku orang  ke ngelawa lebih agi ke ngelawa kandang menua ke agi ditemu bisi penyakit rabies, patut nyeliahka diri ari ngachau tauka diketup ukui,” ku iya seraya ngingatka nyema diketup jelu lebih agi ukui patut enggau lengkas ngajung diri berubat ngagai sepital tauka klinik ke semak kelimpah ari ti meresi abi tauka telih nya ngena ai beresi pengelama 15 minit.

    Dikeranjai: Utusan Borne

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads