Header Ads

  • Baru Nyadi

    300 iku peranak Kpg Tabuan Hilir diagih dagin chapi beserimbai Hari Raya Aidiladha.

    TERIMA KASIH: Asrol nyuaka dagin ke peranak Kampung Tabuan Hilir, ke diberi Wan Junaidi. — Gambar Chimon Upon

    KUCHING: Bisi 300 iku penerima ari Kampung Tabuan  Hilir nerima dagin ke diagih nyerumba pengerami Hari Raya Aidiladha, kemari.

    Program ngagihka dagin nya diatur Pengintu Masjid Darus Sa’adah ba tengah laman Masjid Darus Sa’adah.

    Bisi tiga iku chapi disayat, ti diberi Menteri Dalam Pengeraja Asal enggau Rampa Menua Dato Sri Wan Junaidi Tuanku Jaafar enggau Speaker Kunsil Nengeri Sarawak, Datuk Amar Mohamad Asfia Awang Nassar.

    Pengawa ngagihka dagin nya udah mujur dipenyadi Pengintu Masjid Darus Sa’adah, Asrol Bujang Lapok, ti ngarika Wan Junaidi enggau Asfia.

    Nitihku Asrol  pengawa ngagihka dagin nya diatur ninting  taun maya Hari Raya Aidiladha.

    Ku iya, semua pengawa berengkah ari nyayat nyentuk ke pengawa ngagih ngagai peranak genturung pendiau nya dipejalaika ngena chara beripai.

    Dikeranjai Utusan Borneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads