Anang enda belajarka penemu Sains, teknologi. - Berita Iban Online | Laman Web Berita Kitai

Header Ads

  • Baru Nyadi

    Anang enda belajarka penemu Sains, teknologi.

    SIMUNJAN: Pengawa ngena aplikasyen teknologi tinggi ke bisi ba gajet ba genap serak komuniti kemaya hari tu mandangka transformasyen landskap ngagai dunya digital.

    Menteri ba Opis Menteri Besai Datuk Seri Nancy Shukri madah, Sains enggau teknologi diatu majak nyadi seput pengidup moden enggau pemujur ekonomi.

    Nya alai, iya meransang rayat di nengeri belajarka penemu Sains enggau teknologi dikena ngangkatka tikas pengidup enggau sosio ekonomi seraris enggau juluk perintah nengeri nyingkang nuju ekonomi digital.

    Endang rugi ngagai sida ke nadai nguji belajarka penemu tu laban revolusyen ke nyadi diatu bejalai enggau jampat sereta ngundang mayuh pemar baru ke nyangka nadai kala pansut ba runding kitai.

    “Nya alai, nembiak rebak baru maya hari tu patut jampat nitih ba sebarang aja sukut pengidup ngambi sida ulih napi pemar dunya jeman globalisasi sehari tu,” ku iya.

    Nancy madah munyi nya rambau bejadika Program Akademik Teknik Menjawab Soalan Sijil Pelajaran Malaysia (SPM) diatur Gerempung Graduet Dayak Sarawak (SDGA) ba Sekula Sekondari (SMK) Simunjan No1 ditu ensanus.

    Kaban Parlimen Batang Sadong nya amdah, nya kebuah program ke diatur pengelama tiga hari nya setipak amat enggau guna kemaya hari tu.

    “Tu mega laban kitai deka nempa nembiak rebak baru ti ngembuan pengeransing ke tinggai dalam napi sebarang aja pemar dudi hari.

    Pia mega, Program Akademik Teknik Menjawab Soalan SPM meri peluang ngagai nembiak muka runding sida dikena nyaut tanya SPM engka nadai dipelajar ba sekula,” ku iya.

    Nya alai, iya ngarapka bala pesereta ulih nguna penemu ke udah diajar nya dikena nyaut peresa SPM enggau lantang.

    “Pemujur dalam SPM deka nyadi pelasar dikena bala anak mai diri nuju pemujur. Laban nengah sida deka teulihka mayuh agi pemujur dudi hari,” ku iya.

    Ngelansa pasal pemansang infrastruktur sekula menua pesisir, Nancy madah, taun tu penyampau sekula ke agi dikategori nyadi sekula nerima elawin menua pesisir udah kusut ngagai 13 buah, dibanding 27 buah taun nyin kemari.

    Ku iya, sekula ba pelilih Simunjan diatu udah ngembuan perengka baka elektrik, bekal ai enggau jalai alun, kelimpah telekomunikasi.

    Nitihku iya mega, ba bulan siti nyin kemari aha, urung RM300,000 udah diagih nengah projek mesra rakyat (PMR) dikena ngemanah perengka guna ba sekula nya.

    Sama bisi datai Sapit Presiden SDGA Neolle Lily Moorse, Prinsipal SMK Simunjan No1 Khalic Abdul Hamid enggau temuai ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads