Header Ads

  • Baru Nyadi

    Anang irauka IPG Rajang ditutup, ku Salang.

    Institut Pematih Pengajar (IPG) Kampus Rajang
    JULAU: Mensia mayuh enda ibuh irauka perambu perintah ti deka nutup Institut Pematih Pengajar (IPG) Kampus Rajang.

    Kaban Parlimen Julau Datuk Joseph Salang Gandum madah, kebuah pia laban perambu nya semina deka nyilih palan nya nyadi kolej pelajar teknikal enggau vokasional ungkup nengeri tu.

    “Diatu dunya udah berubah.. suba lebih agi begunaka pemujur ba pelajar tang diatu dunya randaka pelajar vokasional enggau teknikal.

    “Ketegal nya diatu kitai meda sida graduet pedis agi ngiga kereja enti dibida enggau sida ke ngembuan pelajar teknikal,” pia ku iya bejaku ba pengerami bejadi Projek Simfoni Kasih 4.

    0 ke diatur Kolej Vokasional Betong ba Rumah Selikau di Nanga Selaut Tengah, Julau, kemari.
    Nambahka jaku iya, ku Salang, rayat ditu nangi bendar ke nengeri Sarawak enda mujur tejapaika juluk ati deka bisi 90 peratus pengajar ari nengeri tu empu manggai taun 2020 ila.

    Nimbal pekara nya, iya madahka ba menua tu udah bisi universiti ti bisi matih nyadi pengajar.

    “Menua kitai bekenaka raban nembiak ti ngembuan pelandik teknikal lebih ari pemujur ba akademik aja.

    “Enti kitai deka mansang, kitai enda ulih nyeliahka diri ari nitihka peminta tauka ubah dunya maya hari tu,” ku iya madah baru.

    Bekaul sentang juluk ari perintah ti deka numbuhka mayuh agi palan pelajar teknikal, ku iya, pekara nya endang manah bendar ngagai raban nembiak.

    “Aku andal subjek ke diajar ukai semina ngena Bahasa Malaysia aja tang mega mela baka sida deka bekenaka Jaku Inglish ba beberapa bengkah subjek ke diambi,” ku iya madah.

    Dulu agi ari tu, Direkter Kolej Vokasional Betong, Lim Ah Juan ba jaku iya madahka program sehari nya ngembuan tuju deka nyungkak ka pemansang kaul rama enggau ulah bala nembiak.

    Seraya nya, awak nya mega dikena sida mandangka pelajar teknikal ngagai bala nembiak ditu.

    Kelimpah ari nya, iya madahka nembiak ke udah graduate ari kolej nya nadai bepenanggul ngiga kereja pungka sida ke empai tembu belajar udah bisi nerima kangau gawa. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads