Header Ads

  • Baru Nyadi

    Beri sukung ngagai sesapa aja chalun BN di sitak Saratok, ku Roland.

    PEMERI: (tengah) Subeng nyuaka bantu belanja ngagai JKKK Rh Matar, Lubok Renit ti diarika Tr. Matar seraya dikemata ke bukai, maya program Berandau enggau Rayat ba rumah nya apin lama.

    KUCHING: Peranak di kandang menua Saratok dilalau meri sukung ngagai sesapa aja bagi chalun Barisan Nasional  (BN) ba sitak parlimen nya, maya Pengawa Bepilih Besai Ke-14 (PRU 14), ke deka diatur sebarang maya ari diatu.

    Kaban Kunsil Nengeri (ADUN) Meluan, Roland Duat madah, laban mayuh pengawa begulai ke patut dipejalaika kelebih agi pengari rayat ke dipilih maya PRU.

    “Aku ngarap sereta minta rayat di Saratok kelebih agi peranak di kandang menua Ng Lempa meri sukung ngagai enda ngira sapa bagi chalun BN maya pengawa bepilih besai tu ila.

    “Maya milih ketuai, enda tau enda milih ke betul awakka ulih meri empas pemansang ke setipak ngagai Saratok,” ku iya maya atur pengawa Berandau enggau Rayat ba Rh Ganya, Ng Lempa, Kabo, Saratok.

    Lebuh ke ngenang tanggungpengawa nyadi pengari rayat, Roland madah nyadi pengari rayat ukai tanggungpengawa ke tau dikumbai mudah tang begunaka komitmen tinggi sereta awak ke mayuh diberi ngagai rayat.

    “Nyadi pengari rayat tu enda tau enda beratka pengelurus ati enggau integriti,laban dua nya nyadi kunchi dikena ngambi ati rayat,” ku iya ti ngawakka diri begulai sereta berandau enggau rayat rumah panjai nya, apin lama.

    Nambahka nya, iya madahka bisi dua iku orang ti ngelakuka diri deka bediri ba pengawa bepilih besai di Saratok ari Parti Demokratik Progresif (PDP),iya nya Subeng Mula enggau Dr. James Chella.

    Kelimpah ari nya lebuh ke bisi bejaku ba program ke sama, Subeng Mula madahka diri sedia sereta nerima nama pemutus ke digaga renggat atas bekaul enggau sapa chalun ba sitak Parlimen Saratok.

    Iya bepenemu, ketuai renggat atas deka milih ti mungkur semua pekara sebedau milih sereta ngaga pemutus ti pemadu engkeman.

    “Aku minta rayat Saratok ngambika meri sukung ngagai orang ti ngelakuka diri nya ke dipilih nyadi chalun BN ba parlimen Saratok ila.

    “Tang aku ke bendar madah ditu, aku bisi juluk besai deka ngamatka misyen enggau visyen ke udah dilangkar ungkup Saratok, ti bepelasarka misyen enggau visyen ke udah ditetapka aku empu ungkup peranak menua Saratok.

    “Laban enti nadai misyen enggau visyen, juluk ati nyadi pengari rayat deka nyadi  pekara ke enda senipak sereta ngasaka ati rayat,” ku Subeng ti mega nyebut pekara ti sama maya ngatur program berandau enggau rayat ba Rh. Matar, Lubok Renit, Saratok, apin lama.

    Subeng madahka diri temegah ati ngagai sukung orang mayuh ba program ke diatur sekumbang ngelakuka diri nyadi chalun BN.

    Subeng maya ba dua program nya bisi nyuaka bantu belanja ngagai Komiti pemansang & Pengelikun Rumah Genturung Pendiau (JKKK) Rh Ganya enggau Rh. Matar.

    Dikeranjai Utusan Borneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads