Bisi 140 tim ngenuku diri nyereta Padawan Raft Safari 2017. - Berita Iban Online | Laman Web Berita Kitai

Header Ads

  • Baru Nyadi

    Bisi 140 tim ngenuku diri nyereta Padawan Raft Safari 2017.

    UDAH SEDIA: Gambar ti mandangka bala pesereta ari menua luar ke udah nyikap diri nyereta Pekit Padawan Raft Safari 2017.

    KUCHING: Bisi 140 tim ngenuku diri nyereta pekit ‘Padawan Raft Safari 2017’ ke deka diatur sehari tu.

    Chairman komiti pengatur Paul Akiew madah, pekit nya dibagi ngagai kategori landik lelaki tebuka, indu tebuka, ejensi perintah, hotel, serikat dagang temuai enggau kategori temuai dipebasa (VIP).

    Kelimpah pekit rakit, pekit kayak mega bisi diatur mungkur 17 tim.

    “Lebih 140 tim nyengkaum 500 iku nyereta pekit nya taun tu lalu nya penyampau ke pemadu mayuh naka tu, kami udah nutup penyereta sehari tu (ensanus),” ku iya.

    Paul madah, pekit nya nyediaka perais duit RM25,000 ungkup semua kategori.

    Nitihku iya mega, pengawa bejadika pesereta belumba kayak enggau kategori landik deka diatur ba Sebanyai di Kampung Annah Rais, Padawan.

    Udah nya, ungkup kategori tebuka lelaki deka berengkah ba Kampung Timurang, Indu Tebuka, ejensi perintah, hotel, serikat dagang temuai enggau VIP (kayak) deka berengkah ba Kampung Danu.

    Berebak enggau nya, penanyi menua tu Ricky El enggau Sima’s udah besemaya deka merindang ba Konsert ‘Ambang Padawan Raft Safari’ ke diatur malam tu ba Kampung Git Jalai Puncak Borneo.

    Konsert nya deka berengkah pukul 7.30 malam nyerumba Pekit Padawan Raft Safari 2017 ke diatur kena 24 September.

    Sekretari JKKK Kampung Git Amat Jais madah, mensia mayuh diperansang datai ngulu konsert tu laban tama nadai bebayar.

    Kelimpah nya, mayuh bengkah aktiviti bukai bisi diatur baka batak tali, dart, nangkap itit enggau pekit nyura ungkup nembiak mit.

    Semua aktiviti nya deka diatur ba Kampung Git belabuh pukul 7 pagi.

    Pengawa nyuaka perais deka diatur pukul 4 lemai ba hari ke sebaka ba Kampung Git. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads