Dr Rayong: Kerejasama semua piak ngelempung penusah rayat ke tasah. - Berita Iban Online | Laman Web Berita Kitai

Header Ads

  • Baru Nyadi

    Dr Rayong: Kerejasama semua piak ngelempung penusah rayat ke tasah.

    KE PENGINGAT: Dr Rayong (duduk lima kiba) begambar kenang enggau (duduk dua ari kiba) Ludan enggau SI Kuang, Desem (enam kiba), Edwin (tujuh kiba), Henry (lapan kiba) sereta temuai bukai pengudah pengerami merarau ba Opis Kunsil Pelilih Betong, ensanus.

    BETONG: Kaban Kunsil Nengeri (ADUN) Engkilili Dr Johnical Rayong Ngipa madah kerejasama tegap entara pengari rayat, ejensi perintah enggau gerempung ukai perintah (NGO) ulih ngelempungka tating pe-nusah orang ke dituntung penusah ngenyit.

    Bechuntoka genteran jaku sempama ‘berat mata me-mandang berat lagi bahu memikul’ iya enggau ati gaga meri terima kasih nga-gai ejensi perintah enggau mensia mayuh ke udah nyaup meri bantu ba pengawa min-dahka sida ti tasah bah ngagai Dewan Dr Johnical Rayong Ngipa apin lama ke udah.

    “Nyentuk sehari tu aku agi nanya diri empu nama kebuah semina DUN Engkilili dituntung penusah bah tang endur bukai nadai taja bela bisi ujan bangat,” ku iya.

    Iya madah munyi nya rambau pengerami mera-rau ngerami semua ejensi perintah ke udah nyait mindahka sida ti tasah bah, nganjung pemakai sereta pengawa bukai sekumbang bah enggau lepas bah ba Ops Kunsil Pelilih Betong ditu, kemari.

    Ku iya, enti nadai saup piak Opis Penyaga Periman (JPAM), Bomba enggau Penyah Penusah, polis, Opis Volunteer Malaysia (RELA), KEMAS, RTM enggau volunteer bukai tentu tusah iya ngatur semua sida ke tasah nya.

    “Nya alai aku ngerami semua sida ba pengerami tu dikena meri terima kasih sereta meri basa ngagai pengawa ke udah digaga sida nadai ngira lelak, siang enggau malam ngelaban arus deras mantu sida ke tasah bah,” ku iya.

    Dr Rayong mega meri terima kasih ngagai petara laban penusah bah nya nadai ngujungka bebadi nyawa, semina ngerusak reta teng-kira aja.

    “Berindik ari nya, aku minta sida ke kena penusah bah ba DUN Engkilili ngerintaika pengerugi diri sebedau dianjung ngagai Nancy Rangkung awakka diperati sebedau dianjung ngagai piak ke bekaul nyema bisi bayar pengasih.

    “Enti ulih aku deka nya digaga jampat lalu disukung enggau bukti nyempulang peminta kita,” ku iya.
    Sama bisi datai ba pengera-mi nya Pemantu Pengereja Pengawa Ludan Lintong, Pemesai APM Betong Ltm (PA) Desem Samuel, PBK I Henry Jugah, pemesai JASA Edwin Ancheh, staf KEMAS, polis ari pampang khas sereta volunteer bese-mak menua Skrang. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads