Header Ads

  • Baru Nyadi

    Dua menyadi ke belajar di Politeknik nerima bantu ari DCF.

    KUCHING: Dua iku menyadi ke mega nembiak ti kurang pemisi ari Politeknik Kuching, Kampus Matang nerima bantu belanja ari Dayak Cultural Foundation (DCF).

    Seduai menyadi tu, Patraylyn Jemat enggau Patrayena Jemat asal ari Rumah Garai, Sungai Minus, Sarikei nampung pelajar ba Diploma Injiniring Mekanikal di Politeknik nya.

    Apai sida, Jemat Maling udah nadai kena 29 September 1999 lalu ditupi indai seduai Jelawat Chugat ti nadai penatai pemisi tetap ketegal bumai.

    Seduai ngerejister diri ba Politeknik Kuching,Kampus Matang kena 4 Jun 2017 ngambi kus diploma dalam bidang injiniring pengelama tiga taun.

    Penusah seduai menyadi ditemu raban ari opis Politeknik Kuching ke lalu nulung seduai nulis surat ngagai DCF ngulihka bantu belanja.

    Sinu enggau penusah pengidup seduai, Chairman DCF Datuk Amar Douglas Uggah Embas enggau kaban kaunsil trusree DCF udah setuju meri bantu belanja penuh ngagai seduai menyadi tu.

    Tu nyengkaum yuran bemalam enggau tuisyen serta belanja idup pengelama tiga taun sekumbang ke ngambi kus di Politeknik Kuching, Kampus Matang. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads