Header Ads

  • Baru Nyadi

    Juluk deka numbuhka palan ngumpul buah rian di Serian deka nyadi nyata.

    PESTA PEMAKAI: Uggah bejadika ‘Pesta Makanan Beting Maro’, disempulang (tiga ari kiba) Rohani enggau (kiba) Razaili.

    BELADIN: Palan endur ngumpul buah rian deka ditumbuhka di Serian enda lama agi nengah kerejasama enggau sebuah kompeni ti bisi nempa kaul ba renggat antarabansa.

    Sapit Kepala Menteri Datuk Amar Douglas Uggah Embas madah, penumbuh palan nya deka ulih dikeamatka nengah semaya enggau kompeni ti bisi kaul makit di menua baka Arab, Jepun, Singapura enggau China.

    Tu mih rintai kaul kitai ke deka diatur dikena mantu orang betanam betupi.

    Anang semina ngasuh orang betanam betupi nanam lalu udah nya ngelakka aja enggai kiruh, tu enda tau.

    “Kitai nulung meri paung ke manah ngambika asil produk betanam betupi deka nambah lalu kitai mega ulih mantu nyual produk.

    Tu program ti diatur apin lama lalu kitai ngarapka ulih dipejalaika,” ku iya lebuh bejaku maya bejadika ‘Pesta Makanan’ Beting Maro ditu, ensanus.

    Sama bisi datai, Menteri Pemansang Orang Indu, Ruang Bilik enggau raban Bansa Datuk Seri Rohani Abdul Karim enggau Razaili Gapor iya nya ADUN Beting Maro.

    Nitih ku iya, nya senipak enggau strategi perintah ti deka nyungkak penatai pemisi peranak di menua pesisir kelebih agi orang bumai bekebun, orang betupi enggau orang berikan setipak enggau program transformasyen menua pesisir.

    Kelimpah ari buah rian, perintah mega bisi merambu deka numbuhka palan ngumpul asil betanam betupi baka nanas kelebih agi di kandang menua Beladin ti betuju mantu orang betanam betupi nyual asil ngagai menua tasik.

    Nya alai iya meransang orang bekebun nanas ba kandang menua nya ti dikelala perintah nyadi ‘bakul makanan’ ngambika numbuhka koperasi enggau tuju nempa kerejasama entara kaban.

    Ku iya, isu ke ditapi orang bekebun iya nya chara nyual.

    Lalu asil sida dibeli ngena rega ti murah ngujungka semina untung mimit aja.

    Maya penemuai ke menua Taiwan apin lama, iya madahka orang bekebun nanas di menua nya mujur nanam ngena chara moden sereta bisi pengelandik ba pengawa nyual asil.

    Sida ukai semina nyual nanas mata tang ngasilka mayuh produk nanas bukai baka tat nanas enggau jus nanas sereta ulih nyungkak penatai pemisi sida.

    “Pekebun nanas di Taiwan bisi palan ngumpul enggau bisi chara produk sida ulih dijual di luar baka Jepun.

    “Nya kebuah kitai patut numbuhka palan ngumpul produk lalu ari nya kitai ngiga kompeni tauka koperasi mantu nyual produk ke menua tasik,” ku iya.

    Lebuh ti ngenang peluang menua Beladin, Uggah madahka iya nemu madu engkelulut mayuh diasilka ba kandang menua nya.

    Madu engkelulut baka ti dipadahka ku iya, manahka pengerai.

    Bisi sebuah kompeni ngasil enggau nyual madu engkelulut begunaka lebih empat tan sebulan madu dijual ngagai renggat anatrabansa.

    “Engka kitai deka nempa kerejasama ngambika engkelulut dijual ngagai sida laban sida begunaka mayuh agi engkelulut.

    Kitai deka ngena makit sida ngambika engkelulut Sarawak ulih dijual,” ku iya. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads