Header Ads

  • Baru Nyadi

    Kenyau ditumbuh ASADIA udah chakah ngemansangka main asal bansa Dayak.

    KOMITI: Bala raban komiti ti ngatur serumpu makai nyerumba nyuaka setipikit ngagai nembiak tauka pesereta kelas belajar main asal 2017, ti diketuaika (duduk, tengah Mabong).

    KUCHING: ASADIA (Akademi Serakup Dayak Iban Sarawak) dalam timpuh empat taun udah kenyau ari taun 2013, mujur ngayanka penyakah enggau penyulut ngetan, ngerembai sereta ngemansangka main asal bansa Dayak kelebih agi Iban, Bidayuh enggau Orang Ulu.

    Berengkah enggau ngatur kelas belajar ngajat Iban ba taun 2013, diatu akademi nya udah ngatur mayuh kelas main asal nyengkaum ajat Orang Ulu, Bidayuh, kelas belajar betabuh, kelas belajar bekuntau, kelas belajar gen-dang pampat, kelas belajar muzik sape, kelas belajar ngaga marek empang enggau mayuh ke bukai.

    Dalam timpuh empat taun ke udah, ASADIA udah mujur ngajar, ngelatih, ngemansang, ngerembai enggau ngetanka main asal nya nengah urung 850 iku pesereta ke nyeng-kaum bala raban anak mit nyentuk ke besai tuai.

    Berindik ari bisi pengerindu sereta pengeran orang ke ngepun ti mega lalu nyadi ket-uai akademi iya nya Mabong Unggang, sereta enggau suku-ng ari bala pesereta mujur nge-rembaika kelas nya kandang endur bukai baka ke Siburan, Padawan kelimpah ari diatur ba Indu Opis Sadia.

    “Sekumbang timpuh empat taun udah ditumbuhka, ASADIA chukup temegah ati laban ulih ngatur mayuh kelas main asal ti udah dipasuk urung 850 iku orang, ti enda ngira renggat umur ke diau di Kuching sereta ke diau ngelingi Kuching.

    “Taja pia baka orang bukai mega, kami ASADIA pan bisi betapi enggau mayuh pemar sereta penguji baka bekaul enggau belanja, palan endur ngatur kelas tu enggau penanggul ngiga pengajar.

    “Tang pemar enggau penguji nya enda ngemuntanka juluk aku ke deka terus ngatur kelas belajarka main asal dalam timpuh empat taun ke deka datai tu.

    "Kami beperambu deka ngerembaika ngagai rumah panjai enggau genturung pendiau," ku iya madah ngagai Utusan Borneo.

    Senipak enggau juluk ke deka ngerembai sereta ngemansangka main asal Dayak nya, bisi sekeda asil tauka produk ASADIA udah da-tai ba renggat antarabansa kelimpah ari bisi dikanggau merindang ba pengerami besai di nengeri tu.

    “Nyadi orang ti mungkal tauka ngepunka akademi tu, aku chukup gaga sereta te-megah ati laban sida ke udah belajar enggau ASADIA bulih penau enggau pengelandik nyentuk ulih nyaup ngerembaika main asal ngagai orang menua tasik.

    “Dalam bulan Ogos tu tadi seiku nembiak ti dilatih ASADIA iya nya Howard Deri ngarika Malaysia begulai enggau pemain muzik bukai di Asia Tenggara, mantaika pengelandik main muzik sape ba pengerami main asal di menua Bangkok.

    “Nambahka nya nembiak ASADIA mega bisi mantaika main asal ke dipejalar ba mua bala pemesai nyengkaum ari menua Eropah sereta pengari UNESCO,” ku iya.

    Mabong ngarapka mensia mayuh terus meri sukung sereta ngarapka mayuh agi bansa kitai rindu deka bela-jarka main asal, kelimpah ari ti nitihka main moden.

    Berebak enggau tu, Mabong mega madahka ASADIA deka ngatur pengerami malam beserumpu seraya nyuaka setipikit ngagai pesereta dalam taun 2017, kena 25 November 2017 ba Christian Ecumenical Worship Cen-tre, dipelabaka deka digulu Menteri ba Opis Menteri Besai Datuk Joseph Entulu.

    Sebarang penerang silik bekaul enggau pengerami nya tau ditanya ngagai Mabong empu ba lumur 012-6925562. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads