Header Ads

  • Baru Nyadi

    Kes beleman mali : Siku lelaki dijil 30 taun, dilunsin 18 kali.

    DIJIL: Tetuduh dibai pansut ari Kort Sesyen Sarikei lalu dianjung ngagai rumah jil.

    SARIKEI: Kort Sesyen Sarikei ngeletak ukum jil 30 taun enggau 18 kali lunsin ngagai siku pengereja pengawa kunterik, ti udah ngaku salah beleman mali enggau anak kandung iya empu, kemari.

    Pengereja pengawa kunterik ke beumur 38 taun nya napi 16 tuduh beleman mali enggau anak kandung iya ke beumur 15 taun kenyau ari taun 2016 tu tadi.

    Akim Kort Sesyen, Maris Agan udah ngerah tetuduh diukum 30 taun ungkup genap penyalah sereta ukum nya diatur berebak enggau 18 kali lunsin, bepun 18 September (Hari Satu).

    Tetuduh udah dikenuku salah nitih Seksyen 376B(1) Kanun Keseksaan.

    Kena 6 September (Hari Tiga) ke udah, siku nembiak ba sebengkah sekula sekondari ke beumur 15 taun, ditu bisi madah diri pedis perut ngagai warden buding iya lalu nyerita diri kala kena pasung apai iya empu.

    Berindik ari nya, warden buding nya terus mai nembiak nya ngagai Sepital Sarikei ngambika beperesa.

    Pengudah nerima penerang pasal kes sereta meresa nembiak nya, piak sepitak terus madah ngagai polis ngambi bejalaika pengawa sida.

    Asil ari penerang ke ditemu, piak polis terus nangkap tetuduh, maya ngabas nembiak nya ba Wad Emejensi Sepital Sarikei kira pukul 4 lemai, hari ke sama.

    Nengah pansik ke dipejalai, piak polis tetemuka tetuduh masung nembiak nya ba sebuah rumah panjai ba Sungai Bulat, ditu kenyau ari taun siti nyin kemari.

    Berindik ari nya, tetuduh udah diriman kena 7 September (Hari Empat) ke udah lalu lepas timpuh riman nya abis, tetuduh terus dibai ngagai kort ngambika dipechara.

    Pechara kes nya dipejalaika Pemesai Pedawa, Inspektor Siti Afwah Ismail. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads