Kunteriktor diberi LAD RM 89,506.85 ketegal enda tetembuka pengawa. - Berita Iban Online | Laman Web Berita Kitai

Header Ads

  • Baru Nyadi

    Kunteriktor diberi LAD RM 89,506.85 ketegal enda tetembuka pengawa.

    KUCHING: Opis Kereja Raya (JKR) udah ngeletakka Liquidated Ascertained Damages (LAD) ngagai kunteriktor Sepital Petra Jaya enggau penyampau RM89,506.85 sehari berengkah 10 Jun 2017 nyentuk projek nya tembu.

    Dalam penerang ari JKR, kunterik projek sepital nya patut tembu kena 9 Jun 2017 tang kunteriktor enda mujur nembuka nitih ti udah ditetapka nyentukka diatu, penyampau LAD ti dipinta ngagai kunteriktor iya nya RM9,219,205.55 (103 hari).

    “Ketegal enda ulih nembuka projek nya, JKR meri Notis Ngetuka Servis kunteriktor kena 7 Ogos 2017. Lalu kunteriktor nya besemaya meri komitmen nembuka projek nya kena 30 Jun 2018.

    “Lalu kena 10 Ogos 2017, National Development Projects Intervention Committee (NDPIC) ngaga pemutus ke alai kunteriktor dikemendar nembuka projek nya kena 30 Jun 2018,” ku JKR dalam penerang iya.

    JKR diatu chakah matau pemansang kereja kelebih agi bekaul enggau juluk penyampau belanja ninting bulan baka ti disemaya kunteriktor. Nyema kunteriktor enda ulih nyapai tagit ninting bulan baka ke disemaya, perintah deka bejalaika atur terit ba bulan November 2017 sereta nitihka penetap.

    Kelimpah ari nya, bekaul enggau Sepital Sri Aman ke baru, JKR udah nemu nama kebuah projek nya ditangguh.

    Kebuah keterubah, pekara teknikal iya nya gaya tanah ba palan nya. Langkar bisi diubah sereta beguna timpuh nembuka nya.

    Nambahka nya, bisi peminta tambah ari Opis Bomba enggau Penyah Penusah Malaysia ti ngujungka bisi sekeda pekara patut diubah sereta kereja tambah ba projek nya.

    “Bepelasarka kebuah teknikal nya, JKR udah setuju meri tambah timpuh (EOT) ngagai kunetriktor.

    Taja pia, EOT nya semina diberi bepelasarka justifikasyen ti tegap sereta deka bepelasarka penetap kunterik.

    “Tegal kedua ti ngujungka projek tu lubah tauka laun laban kunteriktor ti lembut tauka kurang ba perambu enggau bejalaika pengawa.


    “JKR benung matau sereta nyaga pemansang projek sereta bejalaika atur enggau lengkas dalam semua pekara dikena ngenyampatka pemansang projek nya,” ku JKR.

    Projek Sepital Sri Aman nya mega diatu diperatika Jawatankuasa Kerja Tindakan Negara (JKTN) ti netapka juluk minimum 4.5 peratus pemansang kereja ninting bulan sereta nyema enda tetitihka pekara ti udah ditetapka kunteriktor deka diukum.

    JKR arap bendar ulih mutarka isu enggau projek nya dikena ngemuaska semua ti bekaul. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads