Logo baru DUN Sarawak mujur dipenyadi. - Berita Iban Online | Laman Web Berita Kitai

Header Ads

  • Baru Nyadi

    Logo baru DUN Sarawak mujur dipenyadi.


    KUCHING: Logo baru Kunsil Nengeri (DUN) udah mujur dipenyadika Kepala Menteri Datuk Amar Abang Johari Tun Openg, tadi.

    Logo baru nya digaga nyerumba ngintu genap 150 taun DUN udah ditumbuhka sereta ti pemadu tuai dalam sejarah DUN di Malaysia enggau pemadu mayuh kaban DUN.


    Logo genap 150 taun DUN Sarawak ngayankan bangunan DUN, ti ngelaika raban etnik besai ke bisi di nengeri tu.

    Nyadi sebuah bangunan parlimen ti pemadu manah enggau nyelai di Asia Tenggara, bangunan DUN mega ngayanka "Change and Continuity".

    Legit bangunan tu bechura emas ngelaika aspirasi rayat Sarawak ngagai demokrasi ti nadai bechiping sereta tanggungpengawa bejalaika undang-undang DUN nuju pengelantang pemansang enggau ekonomi.

    Chura emas, chelum enggau mirah nunjukka penyerakup pupu raban bansa enggau jalai pengarap di Sarawak.

    Nambahka nya , chura emas mega ngelaika maruah enggau kedaulatan institusi, chelum reti iya formaliti sereta mirah nunjukka penegap, pemerani enggau iring.

    Tulis ba lingkuk di baruh angka kosong (0) ngayanka pementas institusi DUN ti nyambut penatai temuai menua tu tauka ari menua luar ke datai ngagai bangunan ikonik.

    Sebedau tu DUN udah kala ngerami pengerami genap 100 taun, 121 taun, 125 taun enggau 135 taun.
    Nyerumba ngintu genap ke-150 DUN ditumbuhka, bisi semilan pengawa tauka acara besai enggau semilan acara DUN begulai enggau rayat.

    Sama bisi datai ngagai pengerami bejadika logo baru DUN iya nya Speakar DUN Datuk Amar Mohd Asfia Awang Nassar, Sapit Kepala Menteri Datuk Amar Awang Tengah Ali Hasan, bala menteri kabinet enggau bala ADUN sereta ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads