Header Ads

  • Baru Nyadi

    Nadai kebuah Tun Dr Mahathir ditagang tama ke Sarawak, ku Chong.

    KUCHING: Nadai kebuah ti patut Barisan Nasional (BN) Nengeri nagang Tun Dr Mahathir Muhammad, Lim Kit Siang enggau Dr Hatta (Amanah) tama ke Sarawak ngagai licha Pakatan Harapan Sarawak kena malam Hari Minggu tu di BDC Everrise Supermarket, pia ku Chairman Pakatan Harapan Sarawak Chong Chieng Jen.

    Dalam kes Tun Mahathir, iya udah nyadi Menteri Besai Malaysia pengelama 22 taun. Sebedau iya ningkilka diri ari BN lalu nyemilik Pakatan Harapan, iya chukup dipebasaka BN Sarawak. Siku orang ti enda patut ditagang ari tama ke Sarawak semina ketegal iya ningkilka diri ari BN lalu diatu megai politik ti bebida ti dituku dalam Malaysia enggau Sarawak, ku Chong ba sebengkah penerang berita.

    Batang prinsip pekara demokrasi nentuka rayat bisi pilih milih perintah sida empu. Tu semua tuju ngatur pengawa bepilih dikena rayat ngaga pilih sida. Ngambika rayat ulih milih ngena runding ti manah sereta beratika pilih, parti politikenda tau enda dikemendar mantaika penemu enggau polisi sida.

    “Ulah nagang bala ketuai parti politik ti sah tama ngagai Sarawak ketegal sida ukai ari BN nya ukai semina salah nguna kuasa ba sida perintah tang mega nyengala ngayanka demokrasi ti salah.

    “Aku minta Perintah Sarawak anang salah nguna kuasa Imigresyen sida. Nyema Tun Mahathir ditagang ari tama ke Sarawak, tu deka nyadi batang kenang dalam taun tu di Sarawak, sebaka enggau Najib (Menteri Besai Datuk Seri Najib Tun Razak) “Malaysia strengthening US economy” ku iya.”

    Penerang Najib mai malu besai ngagai peranak Malaysia seraya ngansak Kepala Menteri Datuk Patinggi Abang Johari Tun Openg enda neladan ulah Najib ti meri malu ngagai peranak Sarawak, ku Chong ke mega Chairman DAP Sarawak enggau Kaban Parlimen (MP) Kuching. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads