Header Ads

  • Baru Nyadi

    Pengawa beranakka puku ba pekara rama sama pemerat enggau puku ba ekonomi, infrastruktur.

    NYULUT: (Empat ari kanan) Fatimah ngemataka Uggah nyuaka ‘Anugerah Tabika Perpaduan Contoh’ ngagai pengari Tabika Perpaduan Sekama, Kuching, seraya diperatika (ari kiba) Julaihi enggau ke bukai.

    KOTA SAMARAHAN: Pen-gawa beranakka puku ba pekara rama beguna amat dikena ngemansangka peranak nengeri Sarawak, sebaka enggau pem-erat pengawa beranakka puku ba ekonomi enggau pemansang perengka guna mensia mayuh tauka kereban fizikal.

    Pekara nya dipadahka Menteri Pengintu Pengelantang Pendiau, Pengelantang Raban Bansa, Orang Indu, Ruang Bilik enggau Pemansang Nembiak Mit, Dato Sri Fatimah Abdul-lah, kemari.

    “Pemansang peranak nengeri Sarawak ti mayuh pupu bansa sereta dibungkur mayuh bengkah ‘sosiobudaya’, tikas sosioekonomi enggau ma-cham bansa genturung pendiau ti begunaka puku rama ti sama beguna baka puku ekonomi enggau pemansang perengka guna mensia mayuh tauka kereban fizikal.

    “Pengawa nyendiaka kaul rama ti likun ungkup raban seranta sereta orang ti begunaka bantu khas baka orang tuai, nembiak ti bisi penanggul, OKU, orang ti kena perinsa sek-sual, indai agi biak umur, orang ti kena penasah ngenyit, orang ti kena sarak, anak nadai doku-men sereta ke bukai, amat besai reti iya enti kitai ngenukuka semua raban bansa idup dalam penuh basa,” ku iya.

    Fatimah mansutka pekara nya lebuh bejaku ba pengerami Pengerami ‘Minggu Perpadu-an Peringkat Rukun Tetangga Negeri Sarawak Tahun 2017’ ke diatur Opis Penyerakup Bansa enggau Integrasi Menua Nengeri Sarawak (JPNIN) nengah kerejasama Opis Residen Bagi Menua Samarahan ba Dewan Suarah Samarahan ditu, kemari.

    Pengerami nya udah mujur dipenyadika Sapit Kepala Menteri Datuk Amar Douglas Uggah Embas ti ngarika Kepala Menteri Datuk Patinggi Abang Johari Tun Openg.

    Bejaku baru Fatimah madahka penyerakup entara bansa endang agenda ti amat beguna ke patut diputarka enggau penuh pengelandik sereta penemu.

    Ulah nerima enggau ulih begulai sama, ngaku sereta meri basa patut ditempa enggau penuh penyedar, tegap sereta mungkur semua pekara.

    “Beberapa pengerami baka Sarawak Ngerami Kandang rukun Tetangga (960 buah), Rancangan Integrasi Murid Untuk Perpaduan (RIMUP), Aktiviti Sukan Rakyat, Kaizin Berambeh Kitai enggau Inter-Faith Forum ti nyendia peluang sereta forum dikena berandau, entara aktiviti beranakka puku ba pekara rama ti beguna amat.

    “Berindik ari nya, pemendar kitai deka ngemansangka Indeks Pengelantang Rama Nengeri Sarawak iya nya chara ti beguna amat dikena ngenukuka empas beranakka puku ba pekara rama ti dipejalaika perintah.

    “Nambahka nya, iya ulih dikena ngelangkar strategi ke ulih nyamin raban bansa idup dalam pengaga, pemaik enggau pengelantang sereta penuh basa,” ku iya.

    Kelimpah ari nya, ba jaku pengelalu Direktor JPNIN Sarawak Dirwana Azool madahka tuju pengerami nya diatur dikena ngerapitka agi kaul peranak lebih agi peranak Sarawak.

    Nitihku iya pengerami nya ke diatur kenyau ari taun 1992 suba endang dikena ngangkatka penegap runding beserakup dalam tiap raban bansa di nengeri tu.

    “Kitai ngarapka peranak menua kitai Sarawak ulih meri kerejasama terit senipak enggau pemendar perintah ti ngemeran enggau ngemeratka penumbuh penyerakup,” ku iya seraya madahka pengerami nya pelasar entara pemesai enggau raban bansa nempa penyerakup.

    Ba pengerami nya Uggah diberi bara nyuaka Anugerah KRT iya nya Anugerah KRT Cemerlang iya nya KRT Kampung Tengah Sri Aman, Anugerah Skim Rondaan Sukarela (SRS) Terbaik (Kampung Melayu Samarahan), Anugerah Tabika Perpaduan Contoh (Tabika Perpaduan Sekama Kuching) enggau Anugerah Kempen Kibar Jalur Gemilang (KRT Kpg Penan Muslim Bt 10, Bintulu).

    Nyerumba pengerami nya mayuh bengkah aktiviti enggau pekit diatur iya nyengkaum pekit nyura anak mit, pekit Sukan Perpaduan, pekit manduk pemakai asal/kek lapis, pekit tanda etnik enggau ke bukai kelimpah ari pengawa pemandang. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads