Header Ads

  • Baru Nyadi

    Pengerami Hari Kebangsaan Renggat Nengeri Sarawak 2017 richah.


    BINTULU: Pengerami Hari Kebangsaan Renggat Nengeri Sarawak ke diatur ba Laman Dewan Suarah ditu mujur sereta dirichahka nengah penatai 80 kontinjen ke ngambi bagi ba pengawa bejalai beraban urung pukul 8.00 pagi kemari.

    Pengerami tu berengkah pukul 6.30 pagi lalu dipenyadika Tuai Pemegai Menua (TYT) Nengeri Tun Pehin Sri Abdul Taib Mahmud enggau bini iya Toh Puan Datuk Patinggi Ragad Kurdi Taib.

    Bela bisi datai Kepala Menteri Datuk Amar Abang Johari Tun Abang Openg enggau bini iya, Datin Amar Dato Juma’ani Tuanku Bujang; tiga Sapit Kepala Menteri, Datuk Amar Douglas Uggah Embas, Tan Sri Datuk Amar Dr James Jemut Masing enggau Datuk Amar Awang Tengah Ali Hasan.

    Sama bisi datai Menteri Utiliti, Dato Sri Dr Stephen Rundi Utom ke mega nyadi menteri diberi tanggungpengawa ngemujurka atur pengerami nua, Sekretari Perintah Nengeri Sarawak Tan Sri Datuk Amar Mohamad Morshidi Abdul Ghani sereta menteri-menteri kabinet  nengeri ke bukai.

    Pengerami tu dipungkal enggau pengawa nyadaka lagu Ibu Pertiwiku, tanda pengelalu temuai, besampi betuaika Imam Besai Masjid Jamek Negeri Sarawak, Mustapha Kamal Ahmad Fauzi, pengawa bejalai beraban ari bala kontinjen, jaku kepala menteri senggau kelai bejadi pengerami dikemujurka TYT.

    TYT mega diberi basa bejadika pengawa nyirap kek Hari Kebangsaan ditangkan pengawa nikika  Jalur Gemilang seraya disempulang enggau kagu Negaraku onengah Soldadu Tasik Diraja Malaysia (TLDM) enggau pengawa macha sumpah Hari Kebangsaan betuaika Awangku Omar Asfuaddin Pengiran Hamdan.

    Udah nya, Omar nyuaka skrol sumpah ngagai TYT, sebedau ditangkan enggau pengawa mandangka tanda sereta lagu-lagu patriotik ari raban nembiak sekeda sekula di Bintulu.

    Entara ke balat ngerindang ati bala temuai ke datai ngemataka pengerami tu iya nya tanda perang enggau chara belaban dipandangka raban Soldau Menua Malaysia, (ATM).

    Dipelabaka urung lebih 10,000 peranak Bintulu enggau luar ngulu pengerami nua.

    Dikeranjai: Utusan Borneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads