Header Ads

  • Baru Nyadi

    Peranak menua dilalau ingatka sejarah Malaysia.


    KUCHING: Sejarah ke bisi nyadi di Malaysia anang enda dikeingatka semua peranak, ku Kaban Kunsil Nengeri(ADUN) Batu Kitang Lo Khere Chiang.

    Bejaku ngagai pengarang berita rambau pengerami ngintu Hari Kebangsaan ke diatur di Kuching Sentral kemari, iya madah maya sejarah nya nyadi chukup besai reti lalu anang enda dikeingat.

    “Sejarah Malaysia tu patut dikeingat ketegal pekara tu deka nerang ngagai kitai kebuah pengawa nya nyadi.

    “Nama kebuah bisi Malaysia..? Nama kebuah 31 Ogos..? Sejarah deka nerangka kitai kebuah lalu tu seiti maya ke nyadi sejarah di menua tu,”ku iya.

    Iya nambah, kelimpah ti ngintu Hari Kebangsaan, 16 September mega nyadi seiti maya ti patut dikeingat.

    Ku iya ke mega Chairman Opis Kunsil Kandang Padawan(MPP),16 September mih maya ke endar Malaysia ditumbuh.

    “Sarawak enggau Sabah begempung enggau Malaya sereta Singapura numbuhka Malaysia maya nya.

    “Kitai mega patut ngingatka 22 Julai, iya nya maya Sarawak kala merintah diri,”ku iya.

    Nyerumba pengerami ngintu Hari Kebangsaan, Lo ngelalau semua peranak Sarawak sereta Malaysia bebendar agi ba pengawa ke dikereja.

    Iya madah Sarawak diembing raban ketuai ke landik lalu semua patut bebendar ngambi ulih nyapai juluk ke udah ditetap.

    ‘Kitai bisi pengerajasa asal, pengelandik sereta ketuai enggau rayat ngambi ulih ngangkatka Sarawak nyadi nengeri ke kaya,’ku iya.

    Pengerami kemari diatur Ho Soon Physical Cultural Club.

    Dikeranjai: Utusan Borneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads