Header Ads

  • Baru Nyadi

    SIDS mayuh mai pemujur ngagai raban indu Dayak di nengeri tu.

    ARI KAMI: Rose (dua kiba) nyuaka tikai ti nyadika pemeri ari serakup sida ngagai Salang (dua kanan). Bela ayan (ari kiba) Alexander, Janggu enggau Gerevieve.

    JULAU: Sarakup Indu Dayak Sarawak (SIDS) dipuji ketegal ti udah mayuh mai pemujur enggau penguntung ngagai indu Dayak sereta ruang bilik sida kelebih agi di kandang menua pesisir.

    Kaban Parlimen (MP) Julau Datuk Joseph Salang Gandum madah, serakup tu nengah pampang nya nyengala dipeda ukai semina ngempung raban indu tang bela beduaka penemu enggau pengelandik sida.

    “Aku temegah ati meda SIDS mujur bendar bejadika batang tuju penumbuh serakup taja sida tu endang semampai mayuh megai tanggungpengawa ke bukai nyengkaum ba ruang bilik diri.

    “Tang nyema mayuh agi raban profesional nyadi raban serakup dia mayuh mega penemu ke manah deka dipedua enggau pangan diri seraya deka ngembing serakup ngagai tikas ti mansang agi seririh enggau ubah dunya maya dia,” pia ku iya madah.

    Iya mantaika jaku tu maya dipebasa bejadi program begempuru ke diatur SIDS pampang Julau di Julau kena hari Enam tu tadi.

    Sama bela datai maya tu iya nya Sekretari Politik Kepala Menteri Alexander Asing, tuai raban bansa Datuk Janggu Banyang, Chairperson SIDS pampang Julau Rose Bida Banyang enggau chairperson komiti pengatur pengawa Gerevieve Endi Gawan.

    Nambahka jaku iya, ku Salang, sebengkah ari pengawa SIDS ti manah iya nya baka ulah chakah ngatur pengawa meri peransang pelajar ninting taun iya ke tau bendar nyungkakka pengeransing nembiak sekula menua pesisir ngulihka pemujur ba pelajar sida.

    Kelimpah ari nya iya madah, ulah baka nya mega bela deka nejuka bala apai indai ransing nyengulaka anak sida nyentuk ba tikas ti tinggi.

    “Ba adat enggau main asal, serakup tu patut dipuji laban sida bebendar ngemeratka pesaka asal bansa kitai nya.

    “Taja kitai udah diau ba jaman ke moden tang kitai enda ulih ngelengka adat enggau main asal kitai ngambika semampai bisi sereta tegut dipeda purih kitai nyentuk ke ila-ila,” ku iya ti mega Chairman Kaunsil Penyanding Penemu iM Sarawak.

    Berebak enggau nya, Salang maya tu nangkan bala apai indai ngasuh anak sida ngambi kus profesional maya nampung pelajar ba tikas ke tinggi.

    “Ambika banding baka ngambi kus injinir tauka ‘pilot’ tauka pengawa betanam betupi moden,” pia ku lalau iya.

    Ba pengerami tu iya dipebasa nyuaka peransang pelajar ngagai anak raban serakup ke udah mujur bulih pemutus peresa ke manah taun siti tadi.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads