Header Ads

  • Baru Nyadi

    20 iti tim deka besemekih ba Pekit Takraw Trofi DUN Nangka Renggat Ke-3

    SIBU: Gelanggang takraw Rumah Sain Melina Batu 11, Jalai Oya Lama deka richah baru enggau penatai lebih 20 iti tim besemekih ngambi gelar champion ba Pekit Takraw Trofi DUN Nangka Renggat Ke-3.

    Chairman Komiti Pekit Sain Melina madah, tim ke ngambi bagi ba pekit ke diatur kena 28-29 Oktober tu datai ari Pakan, Julau, Kanowit, Mukah enggau Kapit.

    “Ari pekit ke diatur ngelama tu, kitai ulih meda pekit tu mujur nyadika platform alai ngempung sereta nyintalka agi kaul mensia mayuh.

    “Tang seraya nya, kitai mega deka meri awak ngagai bala nembiak mandangka pengelandik besemekih enggau pangan diri ti ukai semina datai ari Sibu aja,” pia ku iya madah ngagai pengarang berita.

    Champian pekit tu deka mai pulai perais mata duit RM500 sereta disempulang enggau tropi lalu penuduk lumur dua enggau tiga begulai mai perais mata duit RM300 enggau RM150 sereta bela disempulang enggau tropi.

    Penerang silik tau ditanya ngagai Sain Melina nengah lumur 0194597063 tauka David Mataw (0145809492). #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads