Header Ads

  • Baru Nyadi

    38 tim udah mantaika pengelandik ba renggat keterubah BTA sitak tengah

    LANDIK: Bala akim ke dipilih nentuka sapa penyereta mujur ba pekit nya.

    SIBU: Macham bengkah pengelandik dibantai 38 iti tim ti besemekih ba pekit renggat keterubah Borneo Talent Award (BTA) ungkup sitak tengah ke diatur ditu, kilah ensana.

    Ari penyampau nya, bala akim udah nentuka Teresak Borneo, Kusenitari Sibu Group (KSG), Identity Dance Crew, D’Mai Dancers, Sean Lee Cheng Yi, Jacky Lau Sie Jun, Warisan Anak Seni Kapit, Amazing X, Sanggar Seni Sibu Jaya, Sylvia Lee Jia Yi enggau Taha Ariffin Taha Assan deka besemekih baru ba pekit renggat ke dua ti diatur kena 24 November tu ba Dewan Suarah Sibu.

    Kelimpah di Sibu, pekit ke sebaka mega udah diatur di Kota Kinabalu alai 10 iku pemekit dipilih bepekit ba renggat kepenudi, Miri (10 iku), Kuching (13 iku) enggau Bintulu (semilan iku).

    BTA serak ke tujuh taun udah diatur taun tu mandangka pekit renggat keterubah di Kuching bela digulu penyereta ari Brunei enggau Pulau Pinang.

    Pekit BTA renggat kepenudi bela deka diatur ba Dewan Suarah Sibu kena 25 November ti deka datai. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads