BN dipelaba deka baum enggau parti komponen sehari tu, ku Uggah - Berita Iban Online | Laman Web Berita Kitai

Header Ads

  • Baru Nyadi

    BN dipelaba deka baum enggau parti komponen sehari tu, ku Uggah

    Datuk Amar Douglas Uggah Embas
    KUCHING : Barisan Nasional (BN) dipelaba deka ngatur aum enggau parti komponen ba Kuala Lumpur sehari tu (Hari Enam).

    Pekara nya dipansutka Mandal Presiden Parti Pesaka Bumiputera Bersatu (PBB) Datuk Amar Douglas Uggah Embas.

    “Indu Opis BN bisi nganggauka 10 pengari ari siti parti komponen BN ngulu aum ba Kuala Lumpur pagila (sehari tu). Pasal nama nya aku enda nemu,” ku iya bejaku pandak ngagai pemberita, ditu kemari.

    Iya ditanya pasal ripot dipansutka surat kabar Mandarin minggu ke udah ti madahka semua parti komponen BN dipelaba deka dikangau baum ba awak ke semak.

    Dulu ari nya nya Uggah bejadika Kembara Batang Lupar Opis Menteri pemansang Orang Indu, Ruang Bilik enggau Raban Bansa 2017.

    Berebak enggau nya ngelansa pasal rintai chalun PBB ke deka bediri ba pengawa bepilih besai ke-14 ila, Uggah ke mega Sapit Kepala Menteri Sarawak, madah rintai kepenudi agi bedau diputus.

    “… agi bisi utai diperundingka entara Presiden PBB (Datuk Patinggi Abang Johari Tun Openg) enggau Chairman BN (Datuk Seri Najib Tun Razak). Iya ke nyengala aku sigi enda bediri,” ku iya.

    Ungkup rikod, Uggah ti nyadi Kaban Parlimen Betong pengelama tujuh penggal. Diatu iya nyadi Kaban Kunsil Nengeri (ADUN) Bukit Saban pengudah menang ba Pengawa Bepilih Nengeri (DUN) ke-11 taun nyin kemari. # Bernama

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads