Header Ads

  • Baru Nyadi

    BOMBA Marudi meri licha sentang penusah angus ungkup komuniti

    BAKA TU: Demonstrasyen nyaga sereta ngerara api.

    MARUDI: Opis Bomba enggau Penyah Penusah (BOMBA) Marudi begulai enggau Opis Penyerakup Bansa enggau Integrasi Menua Bagi Menua Miri bisi ngatur licha bekaul enggau penusah angus ungkup kaban Komiti Genturung Pendiau (KRT) ditu, nyadika sebengkah pengawa dikena ngajar mensia mayuh bekaul enggau penusah angus.

    Licha nya dikenataika Pemesai Bomba Kanan I, Hashim Norshidi betuju dikena meri penemu enggau peneleba ngagau sida bekaul chara nagang angus sereta mutarka penusah angus maya iya bedau besai.

    Program nya diatur ba Dewan Serbaguna Kampung Narum apin lama ke udah lalu bisi digulu lima kaban BOMBA betuaika, Hashim, mandangka chara ngena perengka pengerara api sereta mandangka demonstrasyen.

    Piak bomba mega bisi mandangka chara ngerara api ba dapur iya nya semina ngena kain tauka selimut basah ngerara api ke benung makai dapur enggau chara ngebap.

    Wokshop pengelikun tumpuk pendiau KRT maya program tu bisi digulu urung 60 pesereta ari lima buah KRT ke berejista ba Marudi nyengkaum KRT Kampung Narum, Kampung Dagang, Kampung Pemindahan, KRT Rumah Jimbau enggau KRT Rumah Jamit, Stapang A.

    Berebak enggau nya mua ke malam, semua kaban ke bisi ngulu workshop nya dibai nginau nengah program ‘Jom Ronda’ ngelinggi Kampung Narum enggau sekeda endur ba Kampung Dagang.

    Program nginau nya diuluka Pemesai Opis Penyerakup Bansa enggau Integrasyen Menua Bagi Menua Miri, Giri Nyareng enggau Hasri Ali sereta chairman KRT Kampung Narum, Hussain Jamhali. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads