Desmond Sateng diatu ngelaku diri nyadi chalun baru BN ba sitak Lubok Antu - Berita Iban Online | Laman Web Berita Kitai

Header Ads

  • Baru Nyadi

    Desmond Sateng diatu ngelaku diri nyadi chalun baru BN ba sitak Lubok Antu

    NGELAKU DIRI NYADI CHALUN: (Ari kiba) Desmond, Penghulu Jaul, Kr Agas enggau Kr Naka berami rambau pengawa di Rumah Medan.
    KUCHING: Peranak asal menua ke mega seiku pengelicha kanan, Desmond Sateng Sanjan ngelawa Rumah Medan, Nanga Delok bedau lama tu tadi ba tuju ngeringka pengeran ngelaku diri nyadi chalun baru Barisan Nasional(BN) ungkup sitak parlimen Lubok Antu.

    Bejaku ngagai bala mayuh, Desmond madah tuju pejalai iya ketegal ti deka bekelala enggau peranak ke nguwan genturung pendiau nya.

    Iya madah ngelaku diri nyadi chalun ngarika BN ba sitak parlimen Lubok Antu enti penyandang ke diatu, iya nya Datuk William Nyallau Badak enda agi ngenanka penuduk iya ba Pengawa Bepilih Besai Ke-14 ti deka datai.

    Tajapan chalun BN ba Lubok Antu bedau diputus, Desmond madah enti pemangku(Nyallau) sekali agi diasuh ngenanka penuduk ngarika BN-Parti Rakyat Sarawak(PRS),iya(Desmond) sereta tim deka meri sukung ngagai Nyallau.

    “Lubok Antu sebuah konstitusyen menua pesisir lalu ketegal nya enggai nyadi enda nyukung BN. Ba sukut pemansang perengka guna kitai mengkang jauh tinggal enti dibanding enggau kandang mengeri,”ku Desmond.

    Penatai Desmong sereta tim iya ba Rumah Medan diambat manah peranak ke nguwan rumah panjai nya.

    Desmond nguna awak nya nusuika asal diri sereta ruang bilik iya ke ari Ulu Delok, Batang Ai.

    Iya mega bejaku nusuika ikas pelajar diri enggau peneleba gawa nyadi menijar bank sereta mega pengawa ke diatu ke nyadi pengelicha kanan ke mega ketuai Sekula Bisnis enggau Akaun ba sebuah palan pelajar tinggi pribit di Kuching.

    Bela ngulu pengawa nya Sapit Chairman PRS pampang Batang Ai Kunsilor Agas Thomas, Mandal Chairman 1 Kaunselar Naka Indap, Kaban Exco Temeling Jua, Pengulu Lembang Bagong enggau Pengulu Jaul Lutau.

    Raban ketuai nya ba jaku rambau pengerami madahka sukung ngagai Desmond nyadi chalun BN di Lubok Antu.

    Nengah pengelandik pelajar enggau peneleba ba dunya korporat ku sida, Desmond sigi patut ngarika sida ba renggat Perintah Besai.

    Pengawa bela digulu raban ketuai rumah baka ke ari Tapang Pungga,Jengin, Bertik, Bengap, sereta pengari ari Engkaras, bala kaban sereta kaling ari Sebubut enggau Skarok. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads