Dr Hii ngaga pemutus deka badu nyadi presiden Mava - Berita Iban Online | Laman Web Berita Kitai

Header Ads

  • Baru Nyadi

    Dr Hii ngaga pemutus deka badu nyadi presiden Mava

    Dr Gregory Hii Sui Cheng
    SIBU: Presiden Gerempung Volley Bol Malaysia (Mava) Dr Gregory Hii Sui Cheng ngaga pemutus enda ngetanka penuduk iya ba Aum Besai Ninting Taun (AGM) ke diatur ba Kuala Lumpur pun bulan baru.

    Hii mega engka deka nyurutka diri ari mangku pengawa nyadi Sapit Presiden Gerempung Volley Bol Sarawak (Sava) maya betemu enggau kaba komiti nya sehari tu (Hari Enam).

    Pengemeran main ke dipilih nyadi Presiden Kaunsil Dagang enggau Industri China (SCCCI) Sibu apin lama ke udah madah, tanggungpengawa iya ti kelalu mayuh nyadika kebuah iya milih nyurutka diri ari pangku pengawa ke dipegai ba kededua gerempung nya.

    “Aku ngasaika pemeri aku ngagai kededua gerempung udah chukup mayuh lalu ngarapka, sebarang aja orang ke dipilih nganti penuduk aku ulih ngereja pengawa enggau manah ke pemaik Mava enggau Sava,” ku iya lebuh ke dirandau.

    Hii mujur nempa sejarah kediri empu lebuh nyadi siku ari anak Sarawak kedua mangku pengawa nyadi presiden Mava.

    Ex- menteri kabinet nengeri Tan Sri Datuk Amar Ling Beng Sung iya nya anak Sarawak keterubah mangku pengawa nyadi presiden Mava berengkah taun 1960.

    Hii kala gawa nyadi mandal presiden Mava pengelama tiga penggal ari taun 2004 nyentuk 2009 sebedau iya ngaga pemutus minta pilih ngerebut penuduk presiden maya bepilih MAVA 2015.

    “Sekumbang dalam timpuh dua taun ke enda lama, aku mujur ngaduka Mava lalu mai iya angkat ngagai tikas ke lebih manah.

    Kelimpah nya, laban nyadi presiden SCCCI ke baru, Hii ??madah iya begunaka mayuh awak enggau pengeregas dikena bejalaika pengawa ungkup komuniti dagang.

    “Pengawa tu begunaka iya berundang ke Semenanjung Malaysia enggau ngelawa bagi menua ba Sarawak ngemansangka juluk SCCCI,” ku iya.

    Ngelansa pasal pengulih sekumbang nyereta MAVA ba penuduk nyadi presiden, Hii madah iya berasai lantang ati enggau sekeda japai Mawa ba timpuh dua taun kepenudi. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads