Header Ads

  • Baru Nyadi

    Dr. Lada mantu pekebun lada

    Mah negu skin aplikasi kelai bejadika ‘Dr. Lada' seraya disempulang (ari kiba) Chairman MPB Tan Sri William Mawan Ikom, Sapit Menteri Perusahaan Perladangan dan Komoditi Datuk Datu Nasrun Datu Mansur enggau Sapit Kepala Menteri ti mega Menteri Betanam Betupi Moden, Tanah Adat enggau Pemansang Kandang Menua, Datuk Amar Douglas Uggah Embas.

    KUCHING: Aplikasi 'Dr. Lada' ti mantu sereta meri penerang chara mutarka penyakit lada udah mujur dipenyadika Menteri Perusahaan Perladangan dan Komoditi, Datuk Seri Mah Siew Keong ditu,sehari tu.

    'Dr. Lada' sebengkah aplikasi online ti diasilka seraban pegawai pemansik Opis Lada Malaysia (MPB).

    “Aplikasi tu dikemansangka enggau juluk dikena meri penerang ngagai pekebun sereta chara mutarka penyakit ke suah nyadi tauka ngeruga lada.

    “Meri puji ngagai MPB laban udah mujur ngasilka aplikasi pemansang teknologi ke ulih mantu tauka ngemuntangka pengawa raban ti dijuluk (pekebun),” ku iya dalam aum pengarang berita.

    Aplikasi nya dipenyadi nyerumba pengerami ngintu genap 10 taun MPB udah ditumbuhka enggau pesta lada 2017 ke diatur MPB ba sebengkah hotel.

    Dikearapka 'Dr. Lada' ulih mantu ngelimat jam sereta meri penemu chara mutar tauka meri timbal ti lengkas ngagai pekebun ti begunaka iya. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads