Header Ads

  • Baru Nyadi

    Dua chalun ulih menang UPP bisi nemuai ngagai dua klinik

    MANSIK PENANGGUL : Tim RS1 diuluka Wong (enam kiba) enggau Ting (tiga kanan) maya nemuai ngagai Klinik Pengerai Lanang di Sibu, apin lama ke udah.
    SIBU: Dua chalun ulih menang Parti Rakyat Bersatu (UPP) ungkup penuduk Parlimen Sibu enggau Lanang iya nya Datuk Andrew Wong enggau Andrew Ting seraya disempulang tim Langgur Pemansang Sibu 1.0 (RS1) bisi ngatur penemuai ngagai Klinik Pengerai Jalai Lanang enggau Sibu Jaya, apin lama ke udah.

    Tuju penemuai nya dikena mansik sereta beratika perengka guna ba kededua klinik nya.

    Nitihku Wong, naka ke ditemu, tebal agi pesakit rindu agi datai ngagai Klinik Pengerai Jalai Oya taja dedin sida nganti gintir lebih lama.

    “Nya alai, kami deka nemu kebuah lalu berundingka jalai mutarka penanggul tu, beratika bansa bantu ke ulih diberi kami ngagai sida,” ku iya.

    Nangkan nya, Klinik Pengerai Sibu Jaya mega deka ngatur kimpin beperesa pap smear enggau pengerai kena 17 November berengkah pukul 7.30 pagi nyentuk 4 lemai.

    “Kimpin tu deka dipelanja RS1 nengah program Pengerai Mensia Mayuh” ku tandu Wong.

    Wong enggau Ting sereta raban sida bisi mendingka penerang pasal tanggungpengawa enggau penanggul ditapi kededua klinik nya ari pemesai perubat ke nguasa klinik nya. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads