HSN diintu ninting taun ba minggu kedua Oktober - Berita Iban Online | Laman Web Berita Kitai

Header Ads

  • Baru Nyadi

    HSN diintu ninting taun ba minggu kedua Oktober

    SIBU: Perintah chakah ngubah menua tu nyadi menua ti ngemeratka lumba enggau main nengah pengawa netapka Hari Lumba Enggau Main Menua (HSN) diintu ninting Hari Enam minggu kedua ba bulan Oktober ninting taun.

    Kaban Kunsil Nengeri (ADUN) Dudong Datuk Tiong Thai King madah, pekara tu bepun ari peratus penyampau rayat menua tu ti regas ba pengawa lumba enggau main mengkang mimit enti dibida enggau menua benung mansang ke bukai.

    “Nya alai, HSN nyadika batang pekara dikemeratka menua tu seririh enggau menua singkang nuju Wawasan 2020,” pia ku iya madah maya pengerami Bejadi HSN Renggat Sibu ba Stadium Tertutup Bukit Lima ditu, ensanus.

    Sama bela datai ngerichah pengerami tu iya nya Sapit Residen Sibu Wong Hee Sieng, Pemesai Raban Nembiak, Lumba enggau Main Sibu Kaya Raju, Temenggong Stanley Gramong sereta bala bukai.

    Tiong ti mega Chairman Opis Kaunsil Sibu (SMC) madah, pengerami HSN sebengkah inisiatif Opis Menteri Raban Nembiak, Lumba enggau Main nempa rayat regas ba main enggau lumba lalu nyadi pengawa ke suah dikereja.

    Iya madah, pengawa perintah tu mega bela deka meda nyintal kaul rayat enda ngira umur, bansa enggau jalai pengarap ti seririh enggau gaya idup pupu raban bansa menua tu.

    “Ari tu mega kitai deka ngasaika pengidup bepengerai lebih agi nyeliahka penyakit baka tungkul ati, kemi manis enggau tinggi darah,” ku iya madah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads