Header Ads

  • Baru Nyadi

    Jematan Batang Samarahan tembu Jun 2018

    KOTA SAMARAHAN: Jematan Batang Samarahan, ti pemanjai 790 meter ke digaga enggau ungkus belanja RM93 juta deka tembu sebedau bulan Jun 2018.

    Sapit Kepala Menteri, Tan Sri Datuk Amar James Jemut Masing, madahka penembu jematan ke digaga tiga taun tu ke udah, deka ngemandakka timpuh pejalai mensia mayuh ngagai Asajaya ari Kuching kurang ari setengah jam dibanding enggau jalai ke di tengah diatu (ngena feri tauka ari belakang UiTM Samarahan).

    "Penembu jematan tu ila deka meri penguntung ngagai sosio-ekonomi mensia mayuh ke diau di sitak tu sereta ngemandakka timpuh pejalai sida iya ngagai mengeri Kuching tauka ngagai sitak tu dalam timpuh setengah jam aja," ku Masing.

    Iya madah munyi tu lebuh mendingka penerang ari kompeni ke ngaga jematan tu, anak kompeni Shin Yang, Pekerjaan Piasau Konkerit Sdn Bhd di opis kompeni tu semak ditu, tadi.
    Masing (tiga kanan) benung mendingka penerang ari wakil Shin Yang pasal Jematan Samarahan ditu, lemai tu tadi.

    Masing ti nyadi Menteri Infrastruktur Pengangkut madahka projek jematan jalai tebing pantai tu entara empat ngagai lima buah jematan tebing pantai ke digaga di menua tu.

    Jematan Batang Samarahan tu, jematan kedua pengudah Jematan Batang Sadong ke digaga dalam sitak Batang Sadong.

    Jematan tebing pantai ke benung digaga, iya nya Batang Lupar (ke deka nyadi pengabis panjai di Sarawak), Saribas, enggau Krian.

    Sama bisi enggau ngulu ngelawa projek nya tadi, Kaban Parlimen (MP) Rubiah Wang, Menteri Muda Jalai Tebing Pantai, Datuk Julaihi Narawi, enggau Menteri Muda Perengka Pengangkut, Datuk Dr Jerip Susil. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads