Header Ads

  • Baru Nyadi

    Kaban Exco Nembiak, Indu PBB deka ditambah

    BESERAKUP: (Duduk tengah) Rentap enggau bala kaban Majlis Tetinggi Nembiak begambar bebala mayuh seraya ngayanka penyerakup ngenegapka pampang nya, pengudah tembu baum, kemari.
    Pinta nya udah dikemendar lalu deka dipejalaika maya pen gawa bepilih beserimbai enggau TGM tu ila.

    KUCHING: Peminta nambahka kaban Exco Nembiak Parti Pesaka Bumiputera Bersatu (PBB) udah dikemendarka, lalu deka dipejalaika maya pengawa bepilih nyerumba Aum Besai Pengari Tiga Taun Sekali (TGM) ti deka diatur kena 8 - 9 Februari 2018.

    Sapit Ketuai Nembiak PBB, Gerald Rentap Jabu madah, penyampau exco nya ditambah ari 33 ngagai 50 iku exco, ti mega sama dipejalaika ba pampang Orang Indu PBB.

    Iya madahka penambah kaban exco nya endang senipak bendar enggau penyampau Kunsil Nengeri (DUN) Sarawak ke udah ditambah nyadi 82 sitak.

    “Maya TGM ke deka datai penyampau kaban exco nembiak enggau orang indu bisi nambah iya nya 50 ari 33 iku kaban exco ke diatu, pengudah ubah konstitusyen kami maya aum besai sebedau tu.

    “Kenyau ari taun 1978 lebuh Nembiak PBB ditumbuhka, maya nya suba enti enda salah aku semina 48 sitak aja, tang diatu kitai bisi 82 sitak DUN.

    “Bepelasarka penambah sitak DUN nya, nya alai kami deka ke mayuh agi pengari, ukai semina naka 33 iku dalam exco,” ku iya.

    Rentap mansutka pekara nya dalam aum pengarang berita, pengudah nyadi chairman Aum Besai Nembiak (MTP) ke diatur ba Indu Opis PBB ditu, kemari.

    Lebuh ti ngenang pekara ti dikaum kemari, Rentap madahka aum nya dikena nyendiaka pampang Nembiak pasal TGM sereta aum pampang enggau ranting.

    Bepelasarka aum komiti besai ti bechairmanka Pe mangku Sapit Presiden ti mega Sapit Kepala Menteri Datuk Amar Douglas Uggah Embas, kami diberi awak berengkah ari diatu nyentuk 15 Disember ngatur aum pampang enggau ranting, ku iya.

    “Nya alai pagi tu (kemari) kami udah baum lalu deka numbuhka komiti ti belurus sereta matau semua pampang sereta ranting nembiak ngambika baum, kelimpah ari dikena nyikap diri napi aum besai tu ke deka diatur kena 8 - 9 Februari 2018,” ku iya seraya madahka nya entara pekara ti dikerandau dalam aum MTP nya.

    Kelimpah ari nya, lebuh ke ngenang pasal tikas umur ke ulih nyadi kaban Nembiak PBB, iya madahka bepelasarka konstitusyen hak umur naka 45 taun.

    “Naka ke diatu urung 50 peratus enda ulih agi disengkaum dalam exco nembiak,” ku iya seraya madahka semina ketuai nembiak aja nadai ditatak umur. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads