Header Ads

  • Baru Nyadi

    Komiti Besai Pesta Benak Sri Aman 2017 nemuai meri basa ngagai TYT


    MERI BASA: Harden (kiba) nemuai meri basa ngagai Tun Taib.

    KUCHING: Komiti Besai Pesta Benak Sri Aman 2017 udah nemuai meri basa ngagai Tuai Megai Menua (TYT) Tun Pehin Sri Abdul Taib Mahmud di Astana Negeri, kemari.

    Penemuai nya betuaika Menteri Muda Pengelantang Komuniti, Datuk Francis Harden Hollis ke nyadi Penyanding Penemu Komiti Besai Pesta Benak 2017, ke betuju ngangauka Tun Taib meda Pesta Benak Sri Aman ti diatur kena 3 nyentuk 5 November tu ila ba Water front Batang Lupar.

    Bemacham program ke manah sekumbang tiga hari berunggu pengerami nya baka Regatta Benak Batang Lupar, Benak Bazaar Ria, Pentas Budaya Ria, Lunchur Benak, Angkatan Tentera Malaysia (ATM) Begulai enggau Komuniti, Benak Bikers Gathering, Ratu Kebaya Benak, Miss Tourism Benak, Mr Benak sereta lumba enggau main rakyat.

    Kelimpah ari nya, main bukai baka Sri Aman Kitchen enggau Pekit Sada Nyawa sereta Gaya Burung mega bisi diatur.
    Sama bisi enggau, Residen Bagi Menua Sri Aman Indit Bangai, DO Sri Aman Ismawie Salleh. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads