Komuniti majak mereti, nadai nginsap ba palan mayuh mensia - Berita Iban Online | Laman Web Berita Kitai

Header Ads

  • Baru Nyadi

    Komuniti majak mereti, nadai nginsap ba palan mayuh mensia

    Naka 30 Sept, semina tiga kompaun dirikod nengah kimpin anang nginsap.

    SIBU: Kimpin nagang orang nginsap ba palan mayuh mensia di selampur nengeri berengkah mandangka timbal ti positif laban sebarang sapa ke ditemu ngelanggar atur nya deka kena kompaun.

    Direktor Opis Pengerai Nengeri Dr Jamilah Hashim madah, naka 30 September taun tu, semina tiga kompaun bisi dirikod.

    “Ari ketetiga kompaun nya, dua kes orang ke udah besai tuai dikompaun RM500 lalu ke bukai nya ukai orang besai tuai enggau penyampau kompaun RM50.

    “Ketetiga sida udah mayar kompaun nya,” ku iya nengah sebengkah penerang media, kemari.

    Nitihku Dr Jamilah, pemereti mensia mayuh majak nambah laban sida nemu nyema sida nginsap ba palam mayuh mensia sida ulih kena dikompaun.

    “Pemereti pasal pekara tu majak nambah ba dalam komuniti,” ku iya.

    Dr Jamilah madah, opis tu ulih ngukum orang ke ditemu nginsap ba palan mayuh mensia nitihka Atur 11 (1) (w) Undang-Undang Nyaga Asil Semakau 2004.

    Iya madah urung 76 taman ba selampur nengeri tu udah digazet nyadi zon ‘Ditagang Nginsap’.

    Ungkup rikod, Opis Pengerai Sarawak berengkah bejalaika aktiviti penerit adat ba palan mayuh mensia kena 1 Jun taun tu lalu nagang mensia mayuh nginsap ba palan ke udah digazet nyadika palan beresi ari insap.

    Ngelama tu, opis tu bisi bejalaika timpuh penerit adat ba pekara pelajar pengelama tiga bulan dikena ngajar mensia mayuh ngambika enda nuchul api insap ba palan mayuh mensia.

    Palan orang mayuh patut alai ngatur aktiviti bepengerai baka besenam, ngelantang ati, ungkup nembiak bemain, yoga enggau joging.

    Orang ti nginsap dipinta bebasaka orang bukai ke bisi ngulu palan nya ke tuju ngelantang ati enggau nguna palan nya ungkup aktiviti bepengerai sereta nyeliahka pangka ketegal nyirutka asap insap.. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads