Header Ads

  • Baru Nyadi

    Komuniti meseti ngaga kaul enggau ejensi, opis perintah

    MUKAH: Tetiap penanggul ba renggat komuniti patut dikunsi ngambika ulih diputar ejensi sereta opis ti bekaul.

    Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Dato Sri Fatimah Abdullah (gambar) madah, kaul entara ejensi enggau opis perintah deka mantu komuniti ngambika positif lalu nyeliahka sida ngereja pengawa ke enda menuku.

    “Semua pengawa ke enda manah ulih ditagang nyema bisi penyereta begulai entara ejensi enggau opis perintah baka penyalah gian dadah, enda nurun ke sekula sereta ke bukai,” ku iya bejaku dalam Pengerami Program Turun Padang (PTPK) ke digagag ba Kampung Senau di Oya bedau lama.

    Ku iya, dikena nyaga pengelikun enggau pengelantang nembiak jemah ila, pekara tu meseti digaga begulai lalu anang nejuka siti piak aja ngaga pekara tu.

    “Tu dikena kitai nempa modal mensia ke bekualiti ungkup raban nem-biak rebak ti deka datai,” ku iya.

    Kelimpah ari nya, sukut jalai pengarap enda patut ditinggal lebuh nempa ulah anak sereta nembiak sekula.

    Kebuah pia, jalai pengarap iya nya terabai ti paling manah dikena nyeliahka kitai ari ngaul pekara ti negatif.

    “Beserimbai enggau nya, opis perintah, semua serak komuniti, sekula, apai indai, institusyen jalai pengarap pupu bansa patut bejalaika tanggungpengawa ti betul,” ku iya madah.

    Bekaul program PTPT kelimpah ari madahka tanggungpengawa ejensi ke ulih mantu komuniti, tu mega mantu ngemunaska pengawa negatif nengah tanggungpengawa ke dipejalai sekeda piak ti bekaul.

    PTPK di Kamoung Senau iya nya ti keterubah lalu tu deka terus dipejalai ba genturung pendiau ke bukai.

    Pengerami nya mega udah disempulang enggau pengawa nyuaka Geran Projek Mit Menua Pesisir (MRP) ngagai Sekula Primari (SK) Kampung Senau, Opis Pengelantang Pendiau Komuniti (KEMAS), masjid Kampung Senau sereta bisi 16 iku penerima bantu nyeruri pengentap pendiau.

    Sama bisi digaga rambau pengerami nya aktiviti lumba enggau main ti ngaul peranak Kamoung Senau.

    Pekit nyura entara nembiak sekula enggau pekit neka penyampau duit turu ke digaga begulai enggau Agrobank pampang Mukah.

    Sama bisi datai iya nya Pemesai Pengerai Bagi Menua Mukah Dr Osman Rafaie, Pemesai Pelajar Pelilih Dalat Ahli Chikba enggau Menijer Pampang Agrobank Mukah Mardziah Noor Dadu. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads