Majang dichiri nyadi penyanding penemu Kelab Dron Bintulu - Berita Iban Online | Laman Web Berita Kitai

Header Ads

  • Baru Nyadi

    Majang dichiri nyadi penyanding penemu Kelab Dron Bintulu

    DRON: Bala pesereta ke nyereta MutliGP Drone Race 2017 benung meresa dron diri empu.
    BINTULU: Kelab Remote Kontrol Jauh Bintulu ke mungkur aktiviti main dron udah nyiri Kaban Kunsil Nengeri (ADUN) Samalaju, Majang Renggi nyadi penyanding penemu Kelab Dron Bintulu dikena ngemuntang sebarang program tauka aktiviti bekaul.

    Nya alai pengawa nyuaka surat chiri nya dikenataika Presiden Kelab Remote Kontrol Jauh Bintulu, Jonaes Townsend ngagai Majang kemari.

    Entara aktiviti ke diatur Kelab Remote Kontrol Jauh X-Rotor Bintulu iya nya MultiGP Drone Race 2017 ti mujur nerima timbal ke chukup manah sereta dipelanja Majang sereta sekeda kompeni korporat ba Bintulu kena 30 September tu tadi.

    Dron mega dikumbai bilun nadai deriba (UAV) dipejalai ngena perengka kontrol jauh tauka ngena komputer ti nyadi main remote kontrol pemadu dikerindu ba serata dunya nyengkaum ba Malaysia.

    Mayuh kompeni utai kayam udah nempa dron enggau rega ke numbas iya lalu ulih diberi genap serak komuniti. Ubah teknologi tu mandangka dron ke ditempa lebih murah, bekualiti, bateri lebih kuat sereta ngembuan mayuh guna nyengkaum bisi ngembuan kamera enggau Sistem Penyidi Global (GPS).

    Pendiau iya mega mayuh bengkah bisi nya baka bilun engkabang, bilun pengebom, bilun penumpang enggau jet soldadu tang pendiau ke pemadu dikerindu iya nya quadkopter. Dron tu dijual nitihka chap, saiz, kualiti enggau taban gajet iya.

    Sida ke bisi dron semina nyadika main maya lepa lalu perengka nya nadai ibuh begunaka perengka tambah baka kamera tauka GPS.

    Selalu iya, dron ke dikena raban soldadu bejalaika pengawa matau tauka nyubuk enggau nyerang ba kandang endur ke bisi munsuh.

    Mayuh orang ngembuan dron nyadika main dikena ngisi maya lepas lalu bisi mega dikena maya aktiviti ngaga filem, begambar enggau lumba.

    Dron ke dikena mensia mayuh iya nya dron mit dibanding enggau dron ke diguna raban soldadu tang tuju tetap sebaka.
    Dron mit tu dikena ngambar aktiviti lumba tauka ngaga filem lalu sekeda endur dikena nganjung pemakai, barang enggau mandangka iklan. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads