Mensia mayuh diperansang ngulu Kem Kemi Manis
Cari Berita

Advertisement

Mensia mayuh diperansang ngulu Kem Kemi Manis

Chief Editor | Berita Iban MY
October 27, 2017

Gambar Klinik Pengerai Kapit (KKK)
Klinik Pengerai Kapit (KKK) deka ngatur Kem Kemi Manis pengelama sehari kena Hari Enam, 28 Oktober, berengkah ari pukul 8 pagi nyentuk pukul 3 lemai, di bilik konforen, Komplek Nengeri Bletih ditu.

Direktor Klinik Pengerai Kapit, Dr Jusoh Awang Senik madahka Kem Kemi Manis tu tebuka ngagai semua – pesakit enggau sida ti bisi ati ngulu program tu.

Tu tebuka ngagai semua peranak ari Pelilih Song, Kapit, Belaga enggau Bukit Mabong.

Iya ngelalau sida rejista tumu di kaunter Klinik Pengerai Kapit, di Jalai Bletih ditu.

Dr Jusoh nerang antara tuju atur kem tu dikena meri penerang pasal perubat ngagai pesakit kemi manis, gaya pemakai ti bepengerai, chara nagang, beperesa pengerai, nama pekara ti ulih enggau enda ulih dikereja, tanya enggau saut (randau), kuiz enggau ke bukai.

Nitih ku pansik, bisi beratus iku pesakit di baruh perubat kemi manis (ngambi ubat tauka lis ti diperati) di Bagi Menua Kapit. #UtusanBorneo