Header Ads

  • Baru Nyadi

    Nembiak OKU patut diberi awak ngayanka pengelandik diri

    Mataip Sayu
    BINTULU: Pengelandik anak nyelai pendiau (OKU) patut dikelala sereta diperati ngambika sida ulih mujur ba bemacham bidang baka nembiak bukai.

    Pemesai Pelilih Bintulu Mataip Sayu madah, di menua tu nembiak OKU ngayanka penau diri dalam bidang lumba paralimpik, ke alai pengawa rejista bala anak OKU sereta beratika penau sida beguna endar ngambika penau sida enda dibasau.

    “Apai indai tentu deka meda bala anak sida nyapai penyulut ti ngasuh temegah ati laban udah ngarika menua tu (dalam lumba),” ku iya rambau bejadika Kempen Daftar dan Jejak Bakat OKU Bintulu di Times Square Megamall ditu, kemari.

    Sama bisi datai Direktor Urusan Times Square Megamall, Eric Tan enggau bala kaban panel forum program nya.

    Ku iya, kimpin rejista enggau ngiga penau nembiak OKU nyadi pun program ti manah nyediaka latih ngagai bala anak OKU ari ke nejuka sida diau di rumah nadai ngereja sebarang pengawa.

    “Perintah nadai kala enda ibuhka peminta bala anak OKU lalu peluang ti diberi perintah patut direbut sida ba semua aktiviti ke diatur ngambika runding sida tebuka agi,” ku iya.

    Ku iya, bisi lebih 1,900 iku OKU ti direjista di Bintulu enggau tiga palan Pemulai Pemanah Ulah Dalam Komuniti (PDK) di Bintulu ti dibuka mungkur PDK Bintulu, PDK Gemilang Bintulu enggau PDK Sinaran Kasih Tatau nyadi palan pemadu manah ngelatih sereta ngintu bala anak tu.

    “Nyema bisi peminta nyangka Opis Pengintu Pengelantang Mensia Mayuh (JKM) akan muka sebuah da agi PDK di Sebauh enggau bantu peranak ke diau dia,” ku iya seraya nambah pengawa begulai enggau peranak deka mantu ngemansangka pengidup raban OKU dudi hari.

    Ku Mataip, apai indai ke bisi anak OKU enda patut malu laban taja sida bebida tang bisi penau lalu sida patut dijaga enggau diintu bala anak ke bukai.

    “Kitai temegah ati enggau JKM ti datai ke mua ngelala penau bala anak OKU ngambika ulih dibantai kelimpah kerejasama ari piak ngaul diri nyediaka palan PDK tu,” ku iya.

    Ku iya, nengah chara nya, bala anak ti rejista di PDK besemakd eka diberi bantu nitihka pematut ari JKM ti nyediaka 25 buah perengka guna ngagai sida lalu tu pengawa chukup manah nyidi ruang bilik ti bedau rejista bala anak sida.

    “Anang muai peluang laban pengawa ti dipejalaika perintah dikena mantu bala anak kita, ngambika sida enda tinggal,” ku iya.

    Berebak enggau nya, JKM Bagi Menua Bintulu, Taddy Ajin madah, pengawa rejista bala anak OKU beguna endar dikena mantu bala sida merambu program pemulai pemanah ulah, latih, pelajar, nyediaka servis enggau perengka guna ti patut ungkup OKU.

    Nya alai, iya meransang semua orang ke bisi anak OKU rejista enggau jampat ngambika sida ulih ngasaika perengka guna ti udah disedia bemacham ejensi perintah enggau peribti.

    “Serikat korporat diatu udah sedarka pengulih ke dikemisi OKU lalu muka pengawa puang ngagai sida. Pengawa tu dipuji lalu patut nyadi peransang ngagai serikat korporat ke bukai,” ku iya.

    “Patut ngubah runding diri ngagai OKu enggau meri perati ba penau sida lalu ukai penimpang aja,” ku iya seraya nambah, bisi 1,969 iku OKU rejista di Bintulu lalu dipelaba mayuh agi deka rejsita nyema kimpin ke bansa tu chakah dipejalai.

    Ku iya, OKU ti rejista tau nerima 25 kemudahan baka dikelaung ari mayar dokumen pejalai antarabansa, diskaun perengka pengangkut mensia mayuh, dikelaung ari mayar servis pengerai perintah, JKM enggau ke bukai. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads