Header Ads

  • Baru Nyadi

    Nembiak patut nentuka penyulut akademik seriris enggau kokurikulum

    MUKAH: Tetiap nembiak dipinta nyemelaka pekara akademik enggau kokurikulum.

    Sekretari Politik Kepala Menteri Abu Seman Jahwie madah runding ti meruan iya nya ari tubuh ti bepengerai.

    “Nengah ngaul diri dalam pengawa lumba, bala nembiak deka regas sereta mega regas ba runding,” ku iya bejaku ba pengawa bejadika Lumba Ninting Taun Sekula enggau Lumba Serakup Apai Indai enggau Pengajar (PIBG) Sekula Primari (SK) Kuala Matu 2017 di Padang Lumba SK Kuala Matu bedau lama ke udah.

    Nitih ku iya, bala nembiak ba semua renggat nadai ngira ba renggat palan nyeridi anak mit, sekula primari tauka palan pelajar tinggi bela begunaka pekara ti sama iya nya pengeregas diri.

    Ku iya, ngambi nentuka bisi entara kededua pekara enggau bidang, akademik enggau kokurikulum lebuhka besekula.

    Pia mega, pangku pengawa bala pengajar enggau apai indai ba pengawa nerenak pemanah ulah mega enda dikenggai.

    Tu dikena nempa pemanah ulah enggau pengangkun nembiak kenyau ari sekula dataika sida besai dudi hari.

    “Nyadi pengajar enggau apai indai, bala kita meseti bekerejasama nentuka bala anak kita nyapai penyulut,” ku iya nampung.

    Pesta lumba sekalika tu ngaul 220 iku nembiak enggau 20 iku pengajar SK Kuala Matu ba mayuh bengkah lumba enggau main.

    Sama bisi datai Penulung Kanan (PK) Pengatur Pengawa, HamimaTeruki enggau Chairman PIBG SK Kuala Matu Khairulzaman Ilil. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads