Header Ads

  • Baru Nyadi

    Pansik pasal gaya hari, tunga ujan dipelaba tembu ujung taun 2018

    Datuk Seri Dr Wan Junaidi Tuanku Jaafar
    KUALA LUMPUR: Pansik penuh pasal gaya hari enggau tunga ujan ba menua tu dipelaban tembu ujung taun nyin ila, ku Menteri Pengeraja Asal enggau rampa Menua Datuk Seri Dr Wan Junaidi Tuanku Jaafar.

    Iya madah asil pansik nya beguna dikena mantu perintah mutarka mayuh bengkah pangka ari gaya hari ngagai rampa menua, lebih agi penyadi bah ba menua tu.

    “Pansik ba sekeda universiti perintah ngerikodka Malaysia nerima 907 juta meter padu (m3) ujan ninting taun 2016. Penyampau nya enda jauh bida ari taun tu, semina bida iya dini ujan nya nyadi lalu ni pengelama iya labuh.

    “Ambika chunto ba taun 2013 nyentuk 2015 enda kala ujan bangat nyadi ba ulu Sungai Sarawak dalam timpuh ke chukup lama, tang nya bisi nyadi ngujungka bah ba kandang endur besemak,’ ku iya.

    Iya madah munyi nya rambau nyadi panel program ‘Randau Ruai pasal topik ‘Ubah Gaya Hari : Pangka enggau Ubah Tunga Ujan’ ba Studio Bernama News Channel, ditu malam ensanus.

    Ku iya ubah paten ujan ba menua tu ukai semina meri pangka ngagau ubah gaya hari tang ketegal aktiviti nebang kayu, pemansang, penangat hari ba mengeri niki kelimpah sungai ke nadai diintu manah ngujungka penusah bah.

    “Pekara ke sebaka nyadi ba Semenanjung lebih agi ba mengeri besai lebuh sitak ke kurang nerima ujang bangat diatu dituntung bah tunggal ketegal pemansang mayuh digaga ba kandang tanah ke ulih nyerap ai majak mimit.

    “Penanggul nya majak nyadi ketegal gaya entali ai maya iya digaga engka kurang tegap. Nyadi maya ujan bangat ai ke majak anyut ngagai sungai ngemenuhka entali nya ngujungka iya ngelumpa ngagai jalai alun,” ku iya.

    Nangkan nya, Wan Junaidi madah pengawa ngintu sungai entara ke dikemeratka opis menteri iya dalam nentuka ekosistem nya nadai rusak ketegal pangka pemansang infrastruktur enggau kilang.

    Iya mega madah sistem pengatur teda industri kediatu patut diadu baru dikena mutar penanggul ai sungai kamah ketegal teda industri.

    Nitihku Wan Junaidi opis menteri diatu ba renggat berunding pasal input bekaul enggau undang-undang baru baka ngasuh pemenggi kilang meresi baru teda utai ke dibuai ari kilang sida sebedau dianyut ngagai sungai. #Bernama

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads