Header Ads

  • Baru Nyadi

    Pekit Futsal SDNU Sibu dipasuk 28 bengkah tim

    PENGINGAT: Chambai (kanan) nyuaka tepa ngagai Romeo sepengudah bejadi pekit.
    SIBU: Gerempung Dayak Sarawak (SDNU) Pampang Sibu mujur ngatur Pekit Futsal SDNU Sibu ba Rumah Jemat, Jalai Kemuyang, ujung minggu tu tadi.

    Pekit ti digulu 28 bengkah tim tu dipenyadi Sekretari Politik Kepala Menteri Thomas Romeo Tegong lalu Chairman SDNU Pampang Sibu Chambai Lindong dipebasa bejadika pengawa nutup pekit.

    Ba Kategori Junior, gelar champion diempu Rumah Asap United lalu ditangkan Jerrwit FT ba penuduk lumur dua.

    Penuduk lumur tiga begulai diempu Anak Iban FT enggau Pasai Bon 1.

    Perais saguati diempu Aspara FC, Tan 16 FT, Renaissane FT enggau Bourgenvilla.

    Ba Kategori Tebuka, tim Bersixth B mujur megai gelar champion lalu ditangkan Belia Julau FC ba penuduk lumur dua.

    Sakura FC enggau Triplex FT bekunsika penuduk lumur tiga.

    Perais saguati diempu tim KFT, Mangut, Pasai Bon enggau Bersixth A.

    Tuju pekit tu diatur iya nya dikena matak pengerindu bala nembiak ba pengawa lumba enggau main sereta meri awak ngagai sida mantaika pengelandik ba main futsal.

    Kelimpah ari nya, pekit tu mega dipeda tau bendar nyintalka agi penyerakup kaul antara bala nembiak enggau pangan diri.

    Awak tu bela dikena SDNU Pampang Sibu nempa kaul sereta besemak agi enggau mensia mayuh.

    Bepun ari pemujur pekit ke diatur serak tu, gerempung tu mega deka ngatur pekit ke sebaka taun baru. #UtusanBorneo

    NYULUT: Chambai begambar begulai enggau tim ke menang.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads