Header Ads

  • Baru Nyadi

    Pengudah dua taun nganti tang semaya nyadi balang

    Projek karan nya belabuh ba taun 2015 tang nyentuk ke sehari peranak tetap asa ketegal enda tembu.

    MIRI: Peranak Rumah Panjai Pemelo Ak Datu di Suai, Jalai Miri Bintulu dekaka opis bekuasa mekal karan ngagai rumah panjai sida ti udah disemaya kenyau ari taun 2015.

    Ku Tr Pemelo Datu, nyentuk ke sehari tu rumah panjai 25 pintu nya bedau dibekal karan.

    Ku iya, projek nyambung karan ngagai rumah panjai nya digaga kunteriktor ba taun 2015 lalu dipelabaka tembu ba taun ke sama, tang nyentuk ke sehari tu mengkang enda tembu.

    Ku iya, sida udah niki ngagai Sarawak Energy Berhad (SEB) tiga kali nanya ke status sabung bekal karan nya tang sida dipadah kunteriktor bedau nganjung skop kereja nya ngagai SEB.

    Seraban peranak rumah panjai nya pengudah niki ngagai opis SEB Miri lalu ngenataika penanggul nya ngagai MP Miri Dr Teo Yu Keng ba klinik iya.

    Ku Dr Teo, iya arapka kunteriktor nya ngaga pengawa nitihka pematut ngambika peranak rumah panjai ulih dibekal karan enggau naka pengelengkas.

    Ku iya, dua taun nya timpuh ke lama ngagai peranak rumah panjai nya lalu enti penanggu ke baka tu majak nyadi, rayat deka merinsa.

    “Aku arapka SEB enggau opis ke bekaul ulih mutarka penanggul tu enggau lengkas laban peranak rumah panjai nya gagit deka bisi karan baka ke udah disemaya enggau sida,” ku iya. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads