Header Ads

  • Baru Nyadi

    Penimpang ukai penekul ngagai Law, Pung ngulihka penyulut

    Logo Swinburne University of Technology Sarawak Campus
    KUCHING: Penimpang ukai nyadika penanggul dua iku graduet Universiti Teknologi Swinburne Kampus Sarawak ti sama teulihka penyulut enggau raban graduet ke normal.

    Katherine Law, 22, ke ngambi bidang Bachelor of Business (Manangement) enggau Pung Kay Suan ,27, ke graduet ba Master of Business Adminstration (International) entara 344 iku graduet Universiti Teknologi Swinburne Kampus Sarawak ke nerima skrol ba pengerami konvokesyen universiti nya, kemari.

    Law ke diada enggau cognital nystagmus, udah nyulut sereta graduet dalam bidang business management degree.

    Bepelasarka penimpang iya, Law enda tentu meda sereta enda ulih macha dalam timpuh ke lama, taja pia nya ukai nyadika penanggul iya deka ngulihka penyulut ba pelajar.

    “Aku beterima kasih laban penyulut ke diulih aku sehari tu asil ari bantu enggau sukung apai indai, pengelicha sereta bala bakih ke ulih meretika penimpang aku.

    “Aku ti baka tu endang bisi pemar enti dibandingka enggau orang bukai, taja pan aku enda meda nama utai ke ditulis ba papan burak tang aku tetap deka belajar enggau belubah lalu enti enda nemu aku betanya ngagai pengelicha,” ku iya lebuh dikerandau seraya madahka diri deka nampung pelajar jemah ila.

    Kelimpah ari nya, Pung, mega sama madahka penyulut ke diulih iya endang ketegal ari bantu enggau sukung ari raban pengelicha sereta apai indai enggau bala bakih iya.

    Pung bisi penimpang ba mata iya nya enda ulih meda kenyau ari beumur 11 taun tang nya enda nagang iya deka nampung pelajar ba renggat tinggi.

    Ba univerisiti ke sama iya ngambi program asas ba taun 2008 lalu udah nya nampung sereta ngambi major dalam accounting and finance, sereta graduet ba bachelor degree ba taun 2013.

    “Sekumbang ke belajar aku nerima bantu enggau sukung ari pengelicha, bala bakih sereta apai indai kelebih agi apai aku.

    “Udah tu ila aku engka deka gawa ke patut sereta senipak enggau gaya pendiau aku, sebedau berunding deka nampung belajar jemah ila,” ku iya lebuh dikerandau raban pengarang berita.

    Ba pengerami konvokesyen nya, Law enggau Pung sereta raban graduaet ke bukai nerima skrol ti disuaka Kepala Menteri, Datuk Patinggi Abang Johari Tun Openg ke mega Pro-Chancellor Universiti kelimpah ari Kunsilor universiti ke mega Pemesai Presiden, Andrew Dix. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads