Header Ads

  • Baru Nyadi

    Raban RELA patut nyikap diri enggau mayuh penemu

    Datuk Amar Datin Patinggi Hajah Jamilah Anu
    LUNDU: Tanggungpengawa ke dipegai raban Ikatan Relawan Rayat Sarawak (RELA) majak besai dibanding enggau ngelama tu.

    Kaban Kunsil Nengeri (ADUN) Tanjong Datu, Datuk Amar Datin Patinggi Hajah Jamilah Anu madah berindik ari nya genap kaban RELA patut nyikap diri enggau mayuh penemu sereta pengelandik dikena meri servis ke pemadu manah ngagai mensia mayuh.

    Ku iya, perintah deka seruran meri perengka guna enggau bantu ungkup RELA awak ulih nyadi ejensi volunteer ke tampak rita, kering sereta dipuji rayat Malaysia.

    “Aku ngarapka udah abis kus tu pesereta kus ulih regas agi bejalaika pengawa nyadi kaban RELA sereta lebih mereti maya gawa,” ku iya.

    Iya madah munyi nya rambau bejadika pengawa Nutup Kus Pemun RELA Siri 4/2017 ba Kem BTN Sampadi, ditu apin lama ke udah.

    Urung 89 iku kaban RELA ari semilan pelilih iya nya Bau, Lundu, Kuching Utara, Serian, Padawan enggau Samarahan bela ngulu kus ke diatur berengkah 16 ngagai 21 Oktober tu tadi.

    Jamilah madah, kus pemun ti dipejalaika ngembuan Indeks Pemanah Pengawa (KPI) diri iya nya ngatur urung 10 siri, kus pemun nba serata Sarawak.

    Nitihku iya, genap siri kus kuota pesereta mangggai 100 iku, KPI iya nya ungup 1000 iku. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads