Header Ads

  • Baru Nyadi

    RCBC udah nyaup ngangkatmanah SK Rumah Tayai



    BARU: Jalai bedarat semin ke baru ti udah tembu digaga.

    BINTULU: Rotary Club of Bintulu Central (RCBC) udah mujur nembuka projek ngangkatmanah sekula ba SK Rumah Tayai di Tatau, apin lama udah.

    RCBC keterubah endar nemu pasal sekula nya ba taun 2014, lalu berengkah ari nya sida lalu ngengkah nama sekula nya ba rintai sekula primari ke patut dikemanah ari sukut perengka guna.

    Semua ungkus belanja projek bisi RM36,563 lalu pengawa berengkah kena 4 Julai, 2017.

    Nengah sukung ari kunteriktor sereta Gerempung Apai Indau enggau Pengajar (PIBG) nyengkaum kaban RCBC, projek nya mujur ditembu kena 7 September.

    Duabelas bengkah pengawa ngemanah udah tembu dipejalaika baka jalai endur bedarat semin ke pemanjai 40 meter, nukar jarin nyamuk, nyambung paip ngagai dapur enggau sistem nyarap ai, ngelekatka jemari pemakai aluminium enggau penyarap ai fiber.

    Pengawa bukai mega baka nukar paip ngagai endur bebasu, agu enggau bilik mandi, indu paip ngagai lubang agu, kereban agu enggau 16 iti kipas elekterik.

    RCBC mega bisi nyendiaka 20 iti bangku dikena baum, empat iti mija dikena baum, 50 iti tilam, panggal enggau cadar tilam.

    Pengawa nyambung karan enggau soket ngagai bilik kelas enggau balai mega tembu digaga.

    Ungkup fasa ke dudi, RCBC minta sukung mensia mayuh melanja projek dikena nganti teradu enggau ngaga atap ungkup jalai bedarat semin di sekula nya.

    District 3310 governor Datuk Lee Chuen Wan udah bejadi lalu nyerahka projek nya kena Hari Minggu nyin tadi.

    Bela bisi melanja projek nya Malaysian Church of Jesus Christ of Latter-day Saints (LDS) Charities, Rotary Clubs ari Melaka, Johor Bahru enggau Singapore.

    Sama bisi datai Elder Wilson ari LDS Charities, Direktor Servis Komuniti RCBC James Kator enggau sapit kanan pengajar SK Rh Tayai, Bigam Masam. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads