Reti Pulau Galau, Pemakai Menua meseti nyemetak - Berita Iban Online | Laman Web Berita Kitai

Header Ads

  • Baru Nyadi

    Reti Pulau Galau, Pemakai Menua meseti nyemetak

    ISU PGPM DEKA TEPUTAR: Kitai enda ulih nyadi ‘Lord of the Jungle,’ ku Abang Johari (gambar).

    KUCHING: Kepala Menteri Datuk Patinggi Abang Johari Tun Openg madah, perintah sedia ngaku Pulau Galau (PG) enggau Pemakai Menua (PM) tang reti pemesai tanah nya enda tau enda nyemetak.

    Ku Abang Johari, pupu bansa tauka etnik bisi reti jaku sida iya empu baka Iban, Penan, Berawan, nyengkaum komuniti Melayu ke ngembuan reti jaku pasal tanah NCR diri empu.

    “Bakani ku reti jaku pemesai bungkur Pulau Galau enggau Pemakai Menua? Enti reti jaku nya semina munyi sebatang pun kayu tauka ari bukit tu ngagai bukit siti nyin? “Kitai enda ulih nyadi ‘Lord of the Jungle’,” ku iya.

    Abang Johari madah munyi tu lebuh bejadika Aum Tiga Taun Sekali SABERKAS (Gerempung Serakup Nembiak Sarawak), ke-15 di sebengkah hotel ditu, kemari.

    Ketegal nya, ku iya, laban reti jaku PM, PG nya enda entu terang, nya kebuah perintah numbuhka sebuah komiti khas betuaika Sapit Kepala Menteri Datuk Amar Douglas Uggah Embas, ngiga chara mutarka pekara nya.

    Kelimpah ari minta penemu ari luyar, chara mutarka pekara nya mega mungkur tuai-tuai pupu raban bansa.

    Iya madahka, beratika pekara bekait enggau tanah NCR tu sensitif, iya nyerah tanggungpengawa nya ngagai Uggah sereta tuai pemesai komuniti Bumiputera, madah ngagai perintah reti jaku Pemakai Menua enggau Pulau Galau.

    Ba lansa bukai Abang Johari t mega nyadi Presiden SABERKAS madahka, iya udah ngasuh sebuah kompeni entarabansa, Sarawak Energy muka Unit Hidrogen baruh pegai opis nya.

    Laban Hidrogen tu bansa gis ke berat, siti ari bansa kuasa ke beresi, ku iya.

    “Kerita ulih ngena kuasa ari Hidrogen, lalu baka nya mega enggau keretapi.

    Kitai ngembuan mayuh Hidrogen, ke ditemu ba tekad ai kitai.

    Kitai mega ngembuan mayuh ai, ai nya meh H2O.

    “Kita bisi teknologi ke ulih nyeraraka entara oksigen enggau hydrogen, nengah elektrolisis. Hidrogen mega siti bansa kuasa ke ulih dikena baru. 9 liter ai ulih ngeluarka sekilogram hydrogen.

    Satu kilogram hydrogen ulih ngeluarka 39.4 kilowatt kuada,” ku iya madahka penemu tu datai ari penemuai iya ngagai menua Jerman, ke ngembuan mayuh macham teknologi.

    Abang Johari ti mega nyadi Menteri Pemansang Nengeri enggau Perambu Ekonomi nyerumba enti sema Kuching udah bisi LRT (Light Railway Transit), iya deka ngena hidroogen laban kitai mayuh ai.

    “Enti rega nya murah, tambang kitai pan murah. Kita ngena ai. Dalam kandang 20 taun tu ila, rega ai nyauka sama rega enggau minyak,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads