Header Ads

  • Baru Nyadi

    SABERKAS patut nyadi ejen ekonomi digital Sarawak

    NGANGKATKA RABAN NEMBIAK: Roland (rintai belakang, empat kiba) enggau Abdul Rahman Junaidi (rintai belakang, tiga kiba) sereta bala kaban eksko SABERKAS ke bukai rambau atur pengerami makai lemai.

    KUCHING: Bala kaban Pertubuhan Belia Kebangsaan Sarawak (SABERKAS) diperansang nangkup peminta ari Kepala Menteri Datuk Patinggi Abang Johari Tun Openg ngambika chakah mai Sarawak ke dalam dunya ekonomi digital.

    Sapit Presiden SABERKAS Datuk Roland Sagah Wee Inn madahka Abang Johari ke mega presiden SABERKAS udah mantaika polisi baru dikena mai pemansang ngagai rayat Sarawak kelebih agi raban nembiak.

    “Entara polisi nya, ekonomi digital ti deka mungkur industri, dagang enggau sektor betanam betupi,” ku Sagah rambau Pengerami Makai Lemai TGH Ke-15 SABERKAS di Hotel Hilton, Hari Enam tu tadi.

    Sektor tu deka chakah ngaul diri dalam ekonomi digital, Sarawak ku iya deka tama ngagai jeman baru ti enda ulih dijapai enti nadai sukung tegap rayat kelebih agi raban nembiak.

    “Aku pechaya kita (raban nembiak) ulih gawa manah agi ari orang bukai,” ku Sagah ke mega Menteri Muda Pemansang Tanah Adat.

    Sama bisi bejaku, Sekretari Besai SABERKAS, Dr Abdul Rahman Junaidi ti madahka pengerami makai lemai nya nyadi pelasar ungkup semua kaban SABERKAS di serata nengeri begulai sereta ngaul pangan diri.

    SABERKAS ku iya nambah, kaul pemadu besai di Sarawak sereta nyadi kaban deka nyadi sebagi ari bilik besai nya.

    “SABERKAS mega udah nyata ulih ngempung rayat ari bebida penatai asal, bansa enggau jalai pengarap,” ku Abdul Rahman ke mega Menteri Muda Elektrik Menua Pesisir.

    Sama bisi datai Menteri Muda ba Opis Kepala Menteri (Pekara Korporat) Abdullah Saidol, Menteri Muda ba Opis Kepala Menteri (Undang-undang, Kaul Sarawak enggau Perintah Besai sereta Matau Projek) Sharifah Hasidah Sayeed Aman Ghazali, Kaban Kunsil Nengeri (ADUN) Telang Usan Dennis Ngau, ADUN Saribas Razi Sitam sereta ADUN Layar Gerald Rentap Jabu. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads