Header Ads

  • Baru Nyadi

    Sarawak nerima agih pemadu mayuh ungkup projek elektrik menua pesisir

    KUCHING: Sarawak nerima agih ke pengabis mayuh dikena bejalaika projek bekal elektrik menua pesisir (RES), iya nya RM3.374 bilion tauka 48 peratus ari semua penyampau bajet Malaysia 2010 ngagai 2017.

    Menteri Pemansang Menua Pesisir enggau Kandang Menua (KKLW), Datuk Seri Ismail Sabri Yaakob madahka projek nya udah sereta benung digaga.

    “Aku deka madahka ungkup dikena ngaga projek RES diSarawak, pengabis besai, nyauka setengah ari ke semua ungkup dikena ngemujurka pengawa tu,” ku iya.

    Iya madah munyi nya ba aum media pengudah bechairmanka aum Exco Menua Pesisir (MEXCLUB) di sebuah hotel ditu, kemari.

    Sama bisi enggau ngulu aum media nya, Sapit Kepala Menteri ti mega nyadi Menteri Betanam Betupi Moden, Tanah Adat enggau Pemansang Menua Pesisir, Datuk Amar Douglas Uggah Embas, Sapit Menteri KKLW Datuk Alexander Nanta Linggi enggau Sapit Kepala Sekretari (Polisi) KKLW Norison Ramli.

    Ismail Sabri madah, ungkup projek jalai menua pesisir, manggai urung RM177.9 juta udah diberi ngagai Sarawak negah Langgur Malaysia Lumpar Ke-11 (2016-2020).

    Ku iya, penyampau nya enti dikira urung 20.4 peratus ari penyampau ke semua ungkup ke tuju tu, ke serata menua.

    Iya madah, Sarawak mega diungkupka urung RM1.499 bilion dikena nyambung ai menua pesisir nengah Langgur Malaysia Lumpar Ke-10 (2011-2015) lalu RMK-11 nya, urung 25.5 peratus ari ke semua penyampau nya ke serata menua.

    “ Nya alai, bajet tauka ungkup ari KKLW ke Sarawak besai agi dibanding enggau sitak menua bukai,” ku iya.

    Bejaku pasal Projek Rumah Rayat Seranta (PPRT), iya madah urung RM94.4 juta udah diberi ngagai Sarawak dikena ngaga projek nya taun tu.

    “Kami (Perintah Besai) nyerahka pekara nya ngagai Perintah Sarawak netapka endur ngaga PPRT baru tauka PPRT ke patut digaga manah agi laban perintah nengeri nemu agi pemerat ke ditapi menua tu,” ku iya.. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads