Header Ads

  • Baru Nyadi

    Sarawak Pay deka berengkah dikena taun baru

    NYAUT TANYA: Abang Johari (tengah) nyaut tanya ari moderator, Syed Nizamuddin Sayed Khassim (kanan) seraya dikemataka Len. — Gambar Mohd Rais Sanusi

    Aplikasyen nya deka ngemudahka mensia mayuh mayar servis perintah nengah chara ‘online’
    KUCHING: Sarawak Pay, iya nya bebayar chara digital ti udah dikemendarka Bank Negara apin lama udah, deka berengkah dipejalaika taun 2018.

    Kepala Menteri, Datuk Patinggi Abang Johari Tun Openg madahka,aplikasyen nya dikemansangka ngena chara ‘online’, ti ngemuntangka agi mensia mayuh ke bisi utai deka dibayar ngena servis perintah sereta enda ibuh mayar ngena mata duit.

    “Bank Negara udah ngemendarka Sarawak Pay kitai. Baru udah dikemendarka minggu nyin tadi.
    “Sarawak Pay tu deka berengkah dikena kitai taun baru.

    “Enti tu udah berengkah mensia mayuh ulih mayar nengah Sarawak Pay kelebih agi servis bebayar perintah baka mayar chukai pintu enggau ke bukai,” ku iya lebuh dikerandau pengarang berita.

    Dulu ari nya Abang Johari ngulu Forum Belia Tegas ti lalu bejuraika topik “Transforming Sarawak Through Digital Economy” ke diatur Tabung Ekonomi Gagasan Anak Bumiputera Sarawak (TEGAS) nengah kerejasama perintah nengeri sereta MAGIC ba BCCK ditu, lemai kemari.

    “Tu mega dipelabaka deka dikemeranka ngena telefon pintar berengkah taun baru nengah chara ngemasukka ‘software’ ke dalam telefon tang dalam akaun enda tau enda bisi duit,” ku iya.

    Maya ke ngenang pasal nya dalam forum, aplikasyen nya dipelabaka deka dipejalaika dulu ba opis perintah di mengeri Kuching sebedau diguna di serata nengeri.

    Nitih ku Abang Johari, aplikasyen ke sama udah dikemeranka di menua bukai baka Indonesia enggau Thailand. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads