Semua pengkalan pemun udah disikap dikena napi penusah bah - Berita Iban Online | Laman Web Berita Kitai

Header Ads

  • Baru Nyadi

    Semua pengkalan pemun udah disikap dikena napi penusah bah

    Dato Sri Fatimah Abdullah
    KUCHING: Aum Komiti Penusah Ngenyit Sarawak (JBNS) udah nyikap semua (pengkalan pemun) netapka pengawa sida iya lebuh dituntung penusah ampuh bah, ke dipelabaka nuntung menua tu dalam bulan November tu ila.

    Menteri Pengelantang Pendiau, Komuniti, Orang Indu, Ruang Bilik enggau Pemansang Anak Mit KKWKKPK, Dato Sri Fatimah Abdullah madahka baka opis sida iya, betatika bantu ke berat, iya nya ari sukut pemakai enda tau enda disediaka lebuh sesebengkah sitak nya dituntung bah, bantu pemakai nya meseti dianjung jampat.

    “Nyema bisi penusah bah, maya kami nerima berita, bantu pemakai enda tau enda dianjung enggau jampat.

    “Raba keterubah deka nganjung batu enggau jampat, baka pemakai. Nyema sida ke kena bah nya, dipindah ngagai palan pengentap sementara, enda tau enda udah bisi pemakai.

    “Bisi mega kes ke enda ibuh bepindah, tang enti ai nya enda surut dalam kandang tiga hari, pemakai deka dianjung ngagai rumah panjai (enti nya ba rumah panjai) tauka ba genturung pendiau…Kami sedia nganjung bantu enggau naka pegelengkas,” ku Fatimah.

    Iya madah munyi nya lebuh dirandau pengudah bejadika Hari Taska 2017 ti diatur Gerempung Pemantu Nembiak Mit ke Berijista ba Sarawak (PPKBS) di Begunan Yayasan Sarawak ditu, ensanus.

    Kelimpah ari nya mega, iya madahka penyampau ke disedia, jauh manah agi ari taun ke udah, tusun JBNS manah agi ari sebedau tu.

    “Ari sukut penyikap ampuh bah, komiti JBNS ke disereta mayuh macham ejensi ke betuaika Sapit Kepala Menteri Datuk Amar Douglas Uggah Embas, mungkur ejensi baka Opis Bomba enggau Penyah Penusah, Opis Servis Perintah (JPA) enggau Opis Pengelantang Pendiau Mensia Mayuh (JKMS),” ku iya seraya madahka sida ke dipindah ngagai palan pengentap pendiau sementara deka dibai ngaga mayuh macham aktiviti ngambika sida iya enda kelalu irau ati (ngelimpang runding sida ngereja utai bukai).

    Maya penusah baka rumah angus ku iya, pengawa pemun ke patut digaga, iya nya nganjung pemakai.

    “Tagit kami, enggau naka pengelengkas, nyerumba meri bantu ngagai sida ke dituntung rumah angus. Utai keterubah ke digaga, nganjung pemakai enggau lengkas,” ku iya.

    Pun bulan tu tadi, Menteri ba Opis Menteri Besai Dato Seri Dr Shahidan Kassim madah Sarawak nyadi chunto ke pemadu manah ba program CERT (Community Response Team) ke dipelanja Petronas, komuniti di Sarawak aktif dalam ngangkatka pengawa CERT nyadi (pengawa tumu) napi tasah.

    “Baka CERT, iya nya komuniti ba sesebengkah nya, komuniti dia tentu ngelala sapa raban komuniti sida iya.

    “Chara ngatur digaga di renggat ke baruh agi, di renggat komuniti, genturung pendiau, rumah flet, sekula, universiti, ba barang endur mayuh mensia diau, deka ngembuan CERT.

    “Sebedau bantu datai, CERT udah bisi,” ku iya.

    Kelimpah ari nya, Shahidan madahka Perintah Menua Sarawak udah dibagi penambah aset lalu aset tu deka ditambah jemah ila.

    “Perintah Besai seruran enggau naka ulih mantu Perintah Nengeri ngangkatka penyendia napi tasah sereta betatika sukut pengelikun sereta mantu dalam ngulihka aset bantu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads