Header Ads

  • Baru Nyadi

    Semua telu ke dijual meseti dikelai gred

    SIBU: Pedagang telu ditangkan ngambika meri kelai telu enggau terang nitihka rega gred telu nya, enti sida enda ngaga baka nya tau ngasuh bala penguna saru.

    Ketuai Pampang Opis Menteri Dagang Dalam Menua, Koperasi enggau Orang Bebelika Barang (KPDNKK) Sibu Kasim Mana madah, mantaika kelai rega aja enda chukup

    “Pedagang temu ditu dilalau ngambika meri kelai telu sida enggau terang nitihka gred baka AA, A, B enggau C kelimpah ari mantaika rega.

    “Ulah mantaika rega aja enda chukup laban gred telu enda dipadah enggau terang. Taja telu gred AA enda digazet dalam skim, tang ulah enda meri kelai telu nitihka gred sida, tau ngasuh pengguna saru penemu.

    “Nya alai, beguna endar meri kelai telu ti betul dikena nentuka pengguna nemu agi gred telu ti deka dibeli sida,” ku iya.

    Ku Kasim nambah, pedagang mega ditangkan ngambika ngan tag rega merah jambu ungkup telu gred A, B enggau C baka ti udah digazet di baruh skim - dikena mida ari ti enda digazet.

    “Enti sida enda ngaga baka nya (kelai rega merah jambu) deka ngujungka sida kena tinggar atur di baruh Akta Kawalan Harga dan Anti Pencatutan 2011, ke alai pedagang tau kena ukum kort manggai RM10,000 tauka dikompaun nyentuk RM5,000 ba penyalah individu.

    “Seraya ngagai serikat, ukum deka manggai RM20,000 tauka dikompaun nyentuk RM10,000,” ku iya.

    Di baruh skim SKHMP Deepavali 2017, tetiap telu manuk gred A digazet dijual 39sen sigi, gred B 38sen sigi enggau gred C 37sen sigi.

    Bisi 16 bansa barang ti udah digazet di baruh SKHMP Deepavali 2017, berengkah ari 13 nyentuk 22 Oktober.

    Ba lansa ke bukai, nitih ku penerang berita ti diberi, pemesai penerit adat KPDNKK deka bisi ba endur ti ditapayka mensia mayuh bebelika barang baka pasar ke bukai, pasar tani enggau pasar besai bejalaika pengawa meresa enggau matau.

    Kebuah pia, atur deka terus dipejalai dikena nyaga bala pengguna ari pengawa beambi ulih bala pedagang ti nadai tanggungpengawa maya musim hari besai.

    Kelimpah ari nya, KPDNKK deka minta kerejasama ari Friends of KPDNKK (FOK), Opis Volunteer Malaysia (Rela), Skuad Pengguna, penghulu enggau bala ketuai raban bansa ngambika mantu opis menteri matau sereta meri timbal bekaul enggau pejalai skim nya. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads