Siku orang tuai ke lenyau udah ditemu - Berita Iban Online | Laman Web Berita Kitai

Header Ads

  • Baru Nyadi

    Siku orang tuai ke lenyau udah ditemu

    DIPERUBAT: Orang tuai nya terus dianjung ngagai Sepital Sarikei ngena kerita EMRS ngambika diperubat.

    SARIKEI: Siku orang tuai ke beumur 74 taun ti diripotka anak iya lenyau ari rumah lemai Hari Dua tu tadi udah ditemu baru malam ensanus enggau pendiau ke chukup lepi.

    Orang tuai nya ditemu raban Penyidi enggau Penyah Penusah (SAR) urung 4 kilometer ari rumah sida empu, pukul 10.38 malam.

    Ketuai Balai Bomba enggau Penyah Penusah Sarikei, Suna Kaha madah, maya ditemu raban SAR orang tuai nya benung duduk ba sebatang anak sungai.

    “Piak SAR nyemerai sungai ke ngembuan penalam 1.5 meter mai iya pansut ari palan nya.

    “Pengudah mujur dibai pulai ari babas, orang tuai nya dianjung ngagai sepital ngambika diperubat sereta diperesa,” ku Suna nengah penerang media, ensanus.

    Operasi SAR tu mega dibantu piak Polis DiRaja Malaysia (PDRM) enggau Opis Penyaga Periman Malaysia (JPAM). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads